02:24 17 փետրվարի 2020
Ուղիղ եթեր
  • USD479.05
  • GBP624.39
  • EUR519.53
  • RUB7.54
Հասարակություն
Ստանալ կարճ հղումը
154 0 0

Մանկատներից ընտանիք վերադարձած երեխաները պետությունից աջակցություն կստանան։ Փաշինյանը հիշել է նախկինում իրենց պարտավորությունները չկատարած նախկին պաշտոնյաներին։

ԵՐԵՎԱՆ, 19 դեկտեմբերի— Sputnik. ՀՀ Աշխատանքի և սոցիալական հարցերի նախարարությունն առաջարկում է  մանկատներից իրենց կենսաբանական ընտանիքներ վերադարձած երեխաներին տրամադրվող պետական ֆինանսավորումը տրամադրել այդ ընտանիքններին։

Այս մասին այսօր կառավարության նիստում հայտարարեց ՀՀ Աշխատանքի և սոցիալական հարցերի փոխնախարար Գեմաֆին Գասպարյանը։

«Օժանդակությունը լինելու է Էլեկտրաէներգիայի ամենամսյա վճարի փոխհատուցման, կոշիկի և հագուստի, ինչպես նաև սննդային զամբյուղի տեսքով։ Սննդային զամբյուղը պարունակելու է ձու, կարագ, շաքարավազ, բուսական յուղ, բրինձ, կարտոֆիլ, միս և ալյուր»,– ասաց փոխնախարարը։

Օժանդակությունը շահառու ընտանիքները կստանան արդեն դեկտեմբերից։

Գեմաֆին Գասպարյանը հայտնեց, որ որոշումը վերաբերում է Դիլիջանի, Բյուրեղավանի և Գյումրու 2 գիշերօթիկ հաստատություններից ընտանիքներ վերադարձած 260 երեխաներին։

ՀՀ վարչապետ Նիկոլ Փաշինյանն առաջարկել է ՀԽ նախագահի պաշտոնում նշանակել Ստյոպա Սաֆարյանին

«Օժանդակությունը, որ նախկինում գնում էր գիշերօթիկ դպրոցներ ու բաշխվում էր գիշերօթիկների միջոցով` իր բոլոր հնարավոր ռիսկերով, հիմա մենք ուղղակի տրամադրում ենք այդ երեխաներին ու նրանց ընտանիքներին` դրանով լուծելով և՛ երեխաների վերասոցիալականացման հարցը, և՛ ընտանիքներին ուղիղ օգնություն տրամադրելու հարցը»,– կառավարության որոշումը մեկնաբանեց ՀՀ վարչապետը։

Փաշինյանը նշեց, որ երեխաներին մանկատներից ընտանիքներ տեղափոխելու կառավարության քաղաքականությունը որոշ ուժեր փորձում են բացասական լույսի ներքո ներկայացնել։

«Երեխաներին ընտանիք վերադարձնելու քաղաքականությունը վարում է մեր կառավարությունը, երեխաներին ապօրինի որդեգրելու մեխանիզմներ ՀՀ–ում գոյություն են ունեցել այն քաղաքական ուժերի իշխանության տարիներին, որոնք ազգային արժեքների դրոշը բռնած ինչ են արել, բոլորս գիտենք»,– ասաց վարչապետը։

Նա նաև շեշտեց, որ 2003թ–ից ՀՀ կառավարության պարտավորությունն է եղել մանկատան շրջանավարտներին բնակարաններով ապահովելը։ Բայց, վարչապետի բնորոշմամբ`ազգային կուսակցություններն ու նրանց հարակից ուժերը ոչ մի կերպ չեն կարողացել այդ հարցը լուծել։

«Մարդիկ են եղել, ձեզ հայտնի կուսակցություններից, որ այդ ընթացքում եղել են նախարար, այդ ընթացքում այս նպատակով բնակարանաշինություն է տեղի ունեցել, իսկ ինչո՞ւ այս բնակարանները չեն հասել այդ երեխաներին։ Հիմա, որ գնանք, պարզենք, ու այդ ամենի արդյունքում այս մարդիկ հայտնվեն բանտում, պարզվելու է, որ նրանք քաղաքական հալածյալ են` հանուն ազգի։ Հանուն ազգի ազգային արժեքները քյաբաբների վրա ծախսածները հիմա ՀՀ–ում հանդես են գալիս ազգային արժեքների պաշտպանությամբ։ Հիմա որ ասեմ` քյաբաբ առ քյաբաբ բացահայտելու ենք, պիտի ասեն ատելության քարոզ է իրականացնում» ,– ասաց Փաշինյանը։

«Հենց սկսեցիր մտածել սահմանների մասին, միտքդ կմեռնի գլխիդ մեջ». Փաշինյանի նոր հրապարակումը

Հիշեցնենք, դեկտեմբերի 18–ին ՀՀ Աշխատանքի և սոցիալական հարցերի նախարարությունը ԲԳՎ–ներ է հանձնել մանկատան նախորդ տարիների 18 շրջանավարտներին։ Նախարարությունը վստահեցնում է, որ ծրագիրը շարունակական է լինելու` մինչև, որ պետությունն իր պարտավորությունն իրականացնի վերջին շրջանավարտի նկատմամբ։

Ըստ թեմայի

«Ձևավորվում է շատ կարևոր ինստիտուտ». Փաշինյանը խոսել է կնոջ հաջողության մասին
Կառավարության շենքի մոտ տղամարդն ուզում է կտրել կոկորդը. տեսանյութ
Նիկոլ Փաշինյանը պաշտոնապես ներողություն է խնդրել Նար–Դոսից
ՀԴՄ–ների դեֆիցիտը շարունակվում է. ՊԵԿ–ը չգիտի, թե երբ կլուծվի խնդիրը
թեգերը:
մանկատուն, բնակարան, Նիկոլ Փաշինյան, Հայաստան

Գլխավոր թեմաներ