15:06 15 օգոստոսի 2020
Ուղիղ եթեր
  • USD484.83
  • GBP634.16
  • EUR571.91
  • RUB6.61
Հասարակություն
Ստանալ կարճ հղումը
1367 0 0

«Միսս տիեզերք 2019» մրցույթում Հայաստանի մասնակիցը պարտավոր չէր ազգային տարազով ներկայանալ, բավական էին ազգային աքսեսուարները։

ԵՐԵՎԱՆ, 20 դեկտեմբերի — Sputnik. «Միսս տիեզերք 2019» մրցույթում Հայաստանը ներկայացրած Դայանա Դավթյանը և «Միսս Տիեզերք Արմենիա», «Միսս Աշխարհ Արմենիա» մրցույթների ազգային տնօրեն Գոհար Հարությունյանը հաշտվեցին մեծ սկանդալից հետո։ Նրանք այս մասին հայտարարեցին Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ։

Համացանցում բուռն քննարկման էր արժանացել «Միսս Տիեզերք» մրցույթում Հայաստանի մասնակից Դայանա Դավթյանի` մրցույթին ներկայացրած ազգային տարազը։ Սկանդալ առաջացավ, երբ Դայանան իր facebook-յան էջում դժգոհեց զգեստի դիզայների կատարած աշխատանքից և թվեց այն անհարմարությունները, որոնց հետ բախվել է մրցույթի ընթացքում։

Ասուլիսի ժամանակ Գոհար Հարությունյանը պարզաբանեց, որ որոշ ազգագրագետների և սոցցանցերի օգտատերերի «թեթև ձեռքով» հանրությանը սխալ տեղեկություն հասավ այն մասին, որ մրցույթում հայկական տարազի անվան տակ անհասկանալի զգեստ է ներկայացվել։ Գոհարը շեշտեց, որ մրցույթը չի պահանջում տարազով ներկայանալ, բավական է մեկ–երկու ազգային էլեմենտ, որն էլ իրենք ապահովել են։

Դայանայի կերպարում ազգայինը եղել են աքսեսուարները։ Օրինակ ` գլխազարդը` կոպին, խորհրդանշում է չար ուժերից ազատում։

«Օրինակ` Չիլիի մասնակցի ազգային հագուստի վրա առկա էր կեռասի ծառ։ Դրանով զգեստի դիզայները շեշտել էր, որ Չիլին մեծ քանակությամբ կեռաս է արտահանում։ Կոսովոյի մասնակիցն ազգային հագուստի փոխարեն ներկայացավ լողազգեստով` ի պաշտպանություն մուսուլման կանանց, ովքեր անգամ դեմքը բարձրացնելու իրավունք չունեն»,–պարզաբանեց Գոհարը։

Даяна Давтян наблюдает за выступлением Гоар Авутюнян во время пресс-конференции на тему скандала с национальным костюмом участницы Мисс Вселенная (20 декабря 2019). Еревaн
© Sputnik / Asatur Yesayants
Գոհար Հարությունյանն ու Դայանա Դավթյանը

Նրա խոսքով` իրենք անգամ չէին էլ կարող պատկերացնել, որ հանրությունն այսքան վատ կարձագանքի։

«Տեղի ունեցածի համար բոլորս ենք ցավում»,–ասաց Գոհարը և նշեց, որ մրցույթի նախապատրաստական փուլում ոչ ոք իրենց չաջակցեց, իսկ այժմ, երբ մի փոքր սայթաքում է եղել, բոլորը որոշել են քննադատել։

Հայ մասնակիցները հաղթել են «Ամբողջ ձայնով» միջազգային մրցույթում

«Նման միջազգային մրցույթները երբևէ տիտղոս չեն տան այն երկրին, որտեղ ժողովուրդը գեղեցկուհու մեջքին չի կանգնում։ Մեր աղջիկներն արդեն կոտրված են գնում մրցույթին մասնակցելու»,–ասաց գեղեցկուհին։

«Միսս Տիեզերք Արմենիա» տիտղոսակիր Դայանա Դավթյանը նշեց, որ շատ տխրել է բացասական արձագանքներից, քննադատություններից, սակայն գիտակցել է, որ դրանք ուղղված են ոչ թե իրեն, այլ հագուստին։

«Ես գոհ եմ եղել իմ ելույթից, երբ փորձեցին մեղադրել ինձ, որ վատ եմ ներկայացել, չեմ ժպտացել, ես որոշեցի իմ անձնական էջում ամեն ինչ պարզաբանել»,–ասաց Դայանան։

Ի պատասխան Դայանայի խոսքի` Գոհարը նշեց, որ տեղյակ չի եղել, որ դիզայները`Վերա Սմբատին, հրահանգել է Դայանային տարազով ելույթի ժամանակ չժպտալ։

«Դիզայներն ընդհանրապես իրավունք չունի մասնակցին ասել, թե նա ինչպես ելույթ ունենա, չէ որ դա հագուստի ցուցադրություն չէ, այլ գեղեցկության մրցույթ, որտեղ ժպտալը պարտադիր է»,–ասաց Գոհարը։

Գոհարի այս միտքը հաստատեց ասուլիսին ներկա դիզայներ Գայանե Մանուկյանը, ով «Միսս Արմենիա» համահայկական մշակութային հիմնադրամի տնօրենների խորհրդի անդամ է։

Նա նշեց, որ սկսած մրցույթի նախապատրաստական փուլից ներգրավված է եղել բոլոր աշխատանքներում և անձամբ է հավանության արժանացրել Դայանայի ազգային էլեմենտներով զգեստի էսքիզը։

Ասուլիսի վերջում գեղեցկուհիները հայտարարեցին հաշտության մասին։

Ինչպես է «Երևանի սիրուն աղջիկը» գերել ժյուրիին. Անգելինա Տանանյանն անկեղծացել է

Հիշեցնենք, որ «Միսս տիեզերք 2019» մրցույթում Հայաստանը ներկայացրած Դայանա Դավթյանը դժգոհել էր, որ զգեստն անհարմար էր եղել։

Նրա խոսքով` իրեն վրդովեցրել էր, որ զգեստի դիզայները և «Միսս տիեզերք Արմենիայի» ազգային տնօրեն Գոհար Հարությունյանը որոշել են բացասական արձագանքներից խուսափելու համար մեղադրել իրեն՝ իրենց իսկ ստեղծած զգեստի ձախողման համար։

Հիշեցնենք, որ դեկտեմբերի 8-ին Ամերիկայի Միացյալ Նահանգների Ատլանտա քաղաքում կայացել է «Միսս տիեզերք 2019» գեղեցկության մրցույթը: Հայաստանի մասնակիցը ոչ մի մրցանակային տեղ չի զբաղեցրել։

Ըստ թեմայի

«Ահավոր է»․ լրագրողն արթնացրել է գեղեցկության մրցույթի մասնակիցներին. տեսանյութ
Սքանչելի հնդկուհին հաղթել է Miss CosmoWorld-2019 գեղեցկության մրցույթում․ լուսանկար
Մոսկվայում կայացան միանգամից 3 գեղեցկության մրցույթների եզրափակիչները. շլացնող ֆոտոշարք
թեգերը:
Սկանդալ, Գեղեցկուհի, Գոհար Հարությունյան, Դայանա Դավթյան, «Միսս Տիեզերք»

Գլխավոր թեմաներ