09:42 18 հունվարի 2020
Ուղիղ եթեր
  • USD479.61
  • GBP626.18
  • EUR533.71
  • RUB7.81
Հասարակություն
Ստանալ կարճ հղումը
7301

ԱԺ պատգամավոր Նաիրա Զոհրաբյանն այցելել է սեպտեմբերից հացադուլի մեջ գտնվող կալանավորին և դիմել Քրեակատարողական ծառայությանը։

ԵՐԵՎԱՆ, 25 դեկտեմբերի — Sputnik. Կալանավոր Վահե Մելոյանը, որը չի ընդունում իրեն ներկայացված մեղադրանքը, սեպտեմբերի 2-ից հացադուլի մեջ է։ Facebook սոցիալական ցանցի իր էջում այս մասին գրել է ԱԺ ԲՀԿ խմբակցության պատգամավոր Նաիրա Զոհրաբյանը:

«Հիմա ես չեմ ուզում քննարկել այն վարկածները, որ 100 և ավելի օր հնարավոր չէ լինել հացադուլի մեջ և Վահեն երբեմն շաքարաջուր է խմել: Այս պահին դա անգամ էական էլ չէ: Ես և իմ գործընկերները այցելել ենք դատապարտյալների հիվանդանոց, հանդիպել Վահեին: Զրույց, բնականաբար, չստացվեց, որովհետև նա գրեթե չէր կարողանում արձագանքել մեր հարցերին»,–գրել է պատգամավորը։

«Օրենքով գողերի» դեմ պայքարը նոր չէ, կամ կանոններ` հազարավոր կալանավորների կյանքի գնով

Զոհրաբյանի խոսքով` կալանավորը չի ընդունել իրենց` հացադուլը դադարեցնելու մասին հորդորները։ ԱԺ պատգամավորն իր գրառմամբ դիմել է Քրեակատարողական ծառայությանը` ասելով, որ, ճիշտ է, հարկադիր կերակրում չեն կիրառում, սակայն կան այլ միջամտություններ, որոնք պետք է անհապաղ արվեն:

Ըստ Զոհրաբյանի` վաղը կարող է ուշ լինել, ինչպես ուշ եղավ լրագրող Մհեր Եղիազարյանի դեպքում:

«Իսկ Վահեի կնոջից ներողություն եմ խնդրում, որ չկարողացա Վահեին համոզել` դադարեցնելու հացադուլը»,–գրել է նա։

Հիշեցնենք, որ այս տարի մայիսին Վահե Մելոյանը կրկին հացադուլ էր արել, սակայն հունիսի 19–ին դուրս էր եկել հացադուլից: Հացադուլում գտնվելու ընթացքում նրան այցելել էին դատախազությունից, ինչպես նաև Մելոյանին վերաբերող քրեական գործի նախաքննության օրինականության նկատմամբ հսկողություն իրականացնող դատախազը:

Վահե Մելոյանին մեղադրանք է առաջադրվել Քրեական օրենսգրքի 175 հոդվածով՝ավազակային հարձակման հատկանիշներով։

Ո՞վ է մեղավոր Մհեր Եղիազարյանի մահվան համար. Արտակ Զեյնալյանը պարզաբանումներ է ներկայացրել

Իսկ ինչ վերաբերում է Մհեր Եղիազարյանին, ում, անունն իր գրառման մեջ նշում է Զոհրաբյանը, ապա  կալանավորը 2018թ. դեկտեմբերի 5-ից մինչև 2019թ. հունվարի 17-ն ընկած ժամանակահատվածում հացադուլ էր իրականացրել և հունվարի 26-ին հանկարծամահ էր եղել հիվանդասենյակում: Քննչական կոմիտեից հայտնել էին, որ ըստ փորձաքննության արդյունքների` նա մահացել է ինֆարկտից:

Ըստ թեմայի

«Արմավիր» ՔԿՀ-ում հացադուլ հայտարարած դատապարտյալին սավանով կախված են գտել
ՊՆ–ն ինձ ծաղրում է. նախկին զինծառայողը կրկին հացադուլ է սկսել
Գյումրու տուն-ինտերնատը չի փակվի, բայց կլուծարվի. տարեց բնակիչները հացադուլ են անում
Նուբարաշենի հոգեբուժարանում ավելի քան 50 հիվանդ հացադուլ են հայտարարել
թեգերը:
Քրեակատարողական հիմնարկ (ՔԿՀ), հացադուլ, կալանավոր, Նաիրա Զոհրաբյան

Գլխավոր թեմաներ