ԵՐԵՎԱՆ, 27 դեկտեմբերի — Sputnik. «5-րդ ալիքի» վրա իշխանությունների հոգեբանական և ֆինանսական ճնշումը ամենախայտառակ օրինակն է, որը տեղավորվում է ազատ լրատվամիջոցների դեմ արշավի տրամաբանության մեջ: Այդ մասին ասաց «5–րդ ալիք» հեռուստաընկերության գործադիր տնօրեն Հարություն Հարությունյանը` ընթերցելով ալիքի տնօրինության հայտարարությունը։
Դեկտեմբերի 26–ին «5–րդ ալիքի» սեփականատեր Արմեն Թավադյանը երկու ամսով կալանավորվել է։ Թավադյանը ձերբակալվել է 2008թ–ի մարտի 1–ի դեպքերի վկային կամ տուժողին սուտ ցուցմունք տալու նպատակով կաշառելու կասկածանքով:
«Հայաստանում քաղաքական հետապնդումների այս շրջանում գործարարի նկատմամբ քրեական գործի հարուցումը շատ նման է քաղաքական հաշվեհարդարի, որը արվում է նրա անձնական կապերի համար», – ասաց Հարությունյանը։
Թովմասյանի մեղադրանքը վերաբերում է նախարար աշխատած տարիներին թույլ տված չարաշահումներին
Նա կարծում է, որ սա նաև «5-րդ ալիքի» վրա հոգեբանական և ֆինանսական ճնշման ամենախայտառակ օրինակն է, որը տեղավորվում է ազատ լրատվամիջոցների դեմ արշավի տրամաբանության մեջ:
Հարությունյանը նշեց, որ հեռուստաընկերությունը ստեղծման օրից ի վեր ստիպված է հաղաթահարել մի շարք դժվարություններ, որոնք հիմնականում կապված են իշխանության կողմից ատելության խոսքի քարոզի, լրատվամիջոցի գործունեությունը սահմանափակելու պետական քաղաքականության հետ:
Հրայր Թովմասյանին մեղադրանք է առաջադրվել. հայտնի է` ինչի համար է նա մեղադրվում. ՀՔԾ
«Նույնիսկ մասնավոր զրույցներից մեկում ակնարկել են, որ մեզնով կզբաղվեն համապատասխան կառույցները», – ասաց Հարությունյանը։
Ավելի վաղ, ոստիկանությունը տեսանյութ էր հրապարակել, որում երևում էր, որ ՀՀ նախկին նախագահ Ռոբերտ Քոչարյանի կողմնակիցներից մեկը, որը մեղադրվում է «Մարտի 1-ի» գործով, որոշել է կաշառել տուժածներին և վկաներին 2008-ի «Մարտի 1-ին» հետընտրական իրադարձությունների գործով, որպեսզի ցուցմունքները հետ վերցնեն:
Գործի շրջանակում Վարուժան Մկրտչյանը, որը ներկայացվում է որպես Քոչարյանի կողմնակից, ձերբակալվել էր, հետո գրավի դիմաց ազատ արձակվել: Հիմա պարզվում է` Թավադյանին նույն գործով կալանավորեցին:
