16:29 27 հունվարի 2020
Ուղիղ եթեր
  • USD478.87
  • GBP626.79
  • EUR528.43
  • RUB7.75
Հասարակություն
Ստանալ կարճ հղումը
176 0 0

Էլինա Ջանիբեկյան, Օլգա Բուզովա, Վերա Բրեժնևա, Ալսու․ սրանք Հարութ Առուստամյանի և նրա ARUT MSCW գործակալության հավատարիմ հաճախորդների ցուցակում ընդգրկված անուններից մի քանիսն են։ Sputnik Արմենիան ներկայացնում է մարդ-հաջողություն, մարդ-տոն Հարութ Առուստամյանին։

ԵՐԵՎԱՆ, 29 սեպտեմբերի – Sputnik. Ամեն ինչ շատ պարզ է․ Հարութը հիանալի մասնագետ է։ Նա բազում գիտելիքներ է ստացել նորաձևության և դիզայնի ոլորտի հայտնի ինստիտուտներում՝ Central Saint Martins, Instituto Marangoni, Academia Italiana, Scuola Politecnica di Design։ Նա հմտությունները հղկել է Dsquared2 և Maison IRFE նորաձևության տներում։ Համագործակցել է Ռուսաստանում Walk of Shame-ի և Ալեքսանդր Հարությունովի հետ։

Ի՞նչ է ARUT MSCW-ն

«Հայ», «Հրեա», «Ստաս», «Բուտովո»։ Այս հանդուգն գրությունները տեղ են գտել Առուստամյանի հավաքածուներում, և դրանցից յուրաքանչյուրի հետևում գաղտնի ուղերձներ են թաքնված ՝ կապված դիզայների կյանքի դրվագների հետ։ Այս հանդգնությունը ARUT MSCW-ի ակնհայտ հատկանիշն է, որն իր գոյության երեք տարիների ընթացքում շատ հայտնի է դարձել Մոսկվայում և Սանկտ Պետերբուրգում, ինչպես նաև Եվրոպայում և հյուսիսամերիկյան մեգապոլիսներում։

Посмотреть эту публикацию в Instagram

A perfect outfit for Tuesday night out

Публикация от THE DISCOTEQUE COUTURE (@arutmscw)

Ինչպե՞ս է դա հաջողվել։ Ինչպե՞ս է ստացվել, որ հավաքածուները, որոնցում գերիշխում են փայլը, կաշին ու լատեքսը, գրավել են ընդհանուր շուկան։ Ինչի՞ց է, որ ապրանքանիշը, որի ոգին Հարութը «փաթեթավորում» է մայրաքաղաքային երեկույթների շքեղության մեջ, այդքան պահանջված է։

Իսկ ո՞վ է Հարութը։

«Առաջին հերթին ես հայ եմ, և դա շատ կարևոր է», - ասում է նա Sputnik–ին։

Посмотреть эту публикацию в Instagram

THE «СТАС» LOOK. Happy Sunday ya’ll✨

Публикация от THE DISCOTEQUE COUTURE (@arutmscw)

Եվ դա բացարձակ ճշմարտություն է․ Առուստամյանի տոհմածառի արմատները ձգվում են մինչև Արցախ։ Զարմանահրաշ վայր է։ Արգասաբեր։ Չես կարող վիճել։ Եվս մի ոչ պակաս հայտնի փաստ․ տաղանդներն այնտեղ մեր օրերում երկար չեն մնում։ Ափսոս, Հարութը նույնպես չի մնացել, նրան տեղափոխել են խնդրահարույց գոտուց հեռու, երբ փոքր է եղել։

Առուստամյանները Ռուսաստան են տեղափոխվել 1990-ականներին։ Փոքրիկ Հարութը դարձել է մոսկվացի, սովորել նոր միջավայրին․ «Այո, ես մեծացել եմ Մոսկվայում, ուստի իմ արժեքները ռուսական են։ Ընդհանրապես ARUT MSCW-ն ես ու Մոսկվան ենք, դա այն է՝ ինչպես եմ ես ընկալում այս քաղաքի իրողությունը»։

Մոսկվացի դիզայների «հայկական շիկը», կամ Երևանի սրտում ցուցադրության երազանքով

Հարութին կարելի է հասկանալ․ ըստ էության, նրա հետ սովորական պատմություն է եղել։ Առուստամյանն ակնհայտորեն զգում է իր կապը Հայաստանի հետ՝ երկրին սեր խոստովանելով յուրաքանչյուր հարցազրույցում, ցուցադրություն կազմակերպելով Ռուսաստանում Հայաստանի դեսպանատանը, ուրախանալով հայրենի երկրից ստացած ավետիսներով։ Սպասում ենք քեզ, Հարութ։

Посмотреть эту публикацию в Instagram

Публикация от THE DISCOTEQUE COUTURE (@arutmscw)

Ամանորի համար տոնական հագուստ ենք ընտրում. խորհուրդներ է տալիս դիզայներ Սոնա Հակոբյանը

Ըստ թեմայի

Սկսնակ դիզայները հագուստ է ստեղծել` հաշվի առնելով հայերի կազմվածքի առանձնահատկությունները
Շքեղություն` հայկական ձևով. Հորդանանի թագուհին դիզայներ Գրիգոր Ջաբոտյանի զգեստն է հագնում
Հայ դիզայները նոր հաջողություններ է գրանցել Milan Fashion Week-ում. նոր ցուցադրություն
թեգերը:
Հարութ Առուստամյան, դիզայներ

Գլխավոր թեմաներ