ԵՐԵՎԱՆ, 29 դեկտեմբերի — Sputnik. Համացանցում օրիգինալ տեսանյութ է հայտնվել, որտեղ երևում է, թե ինչպես են տասնյակ ավտոմեքենաներ միավորվում ու տոնածառի պատկեր ստանում։ Պարզվում է` այս հետաքրքիր տեսահոլովակի մտահղացումը հայ երիտասարդներինն է, տեսահոլովակը ևս նկարահանվել է Հայաստանում։
Sputnik Արմենիայի հետ զրույցում մտահղացման հեղինակներից մեկը` Գագիկը, տեղեկացրեց, որ Volkswagen (VW) golf club Armenia–ի երկու ամյակի հետ կապված որոշել են հայ ժողովրդի Ամանորը յուրօրինակ կերպով շնորհավորել։ Տեսահոլովակը նկարահանելու համար պահանջվել է 55 Volkswagen golf մակնիշի մեքենա։
Տարբեր տարիների ամանորյա ֆիլմերի տոնական սեղանը. հայկական կոնյակը ճանաչվել է ամենաթանկը
«Նախ մեր facebook-յան էջում հայտարարություն գրեցինք, որ ուզում ենք «Տոնածառ» ֆլեշմոբ իրականացնել։ Նկատեցինք, որ 100–ից ավելի միացողներ կան։ Տարածքի երկար փնտրտուքներից հետո որոշեցինք մեր ֆլեշմոբն իրականացնել Երևանի Դավթաշեն թաղամասում»,–ասաց Գագիկը։
Գավառում «աղջիկ տվողը» պետք է տիրապետի այս գաղտնիքին, կամ ինչպես թխել փախլավա. տեսանյութ
Նրա խոսքով` վարորդներին մեքենաների դիրքը ճիշտ ընտրելու հարցում օգնել են 4-5 տղաներ։ Իսկ վերջնական շտկումները կատարել են դրոնի օգնությամբ։
