04:42 16 հուլիսի 2020
Ուղիղ եթեր
  • USD484.50
  • GBP610.52
  • EUR553.64
  • RUB6.83
Հասարակություն
Ստանալ կարճ հղումը
Արմեն Ջիգարխանյանի ընտանեկան դրաման (121)
38110

Նախկին ամուսինները տոնական օրերը միասին են անցկացրել։ Կինը պատմել է իրենց հարաբերութունների մասին ու ասել, թե ով է մեղավոր հայտնի դերասանի առողջական ոչ այնքան լավ վիճակի համար։

ԵՐԵՎԱՆ, 7 հունվարի – Sputnik. Տատյանա Վլասովան օրերս Մոսկվա է մեկնել Լաս Վեգասից, որտեղ ապրում է որդու` Ստեփանի հետ։ Վլասովան Նոր տարին անցկացրել է նախկին ամուսնու` Արմեն Ջիգարխանյանի հետ։ Այս մասին գրում է «Կոմսոմոլսկայա պրավդան»։

Ըստ կայքի` Վլասովան կարմիր բրդյա գուլպաներ է նվեր տարել Ջիգարխանյանին։

Նա մտադիր է երկար ժամանակ մնալ Մոսկվայում։ Ջիգարխանյանը պնդում է, որ կինը տեղափոխվի Մոսկվա։

Թեև նրանք ամուսնալուծված են, այդուհանդերձ Ջիգարխանյանը Վլասովայի գալուց առաջ անդադար հետևել է ժամին և հարցրել. «Ե՞րբ է Տանյան ժամանելու»։

Ընկերները հիմա նայում են նրանց ու կատակում` իսկական հարս ու փեսա են, նորապսակներ։

Վլասովան և Ջիգարխանյանն ամուսնացել էին 1967 թվականին, սակայն ժողովրդական արտիստի կյանքում հայտնվել էր Վիտալինա Ցիմբալյուկ–Ռոմանովսկայան, և նրանք չէին հասցրել նշել ոսկե հարսանիքը։ Արմեն Բորիսովիչի և Վիտալինայի սկանդալային բաժանումն արդեն անցյալում է, այնպես որ արտիստի ընկերները հանգիստ են. Ջիգարխանյանին մի բաժակ ջուր կտա ոչ միայն դայակը, այլև հոգատար կինը։

Արմեն Ջիգարխանյանի նախկին կինը կարևոր խոստովանություն է արել

Տատյանա Վլասովան ասել է, որ իր տունն այնտեղ է, որտեղ սիրում են, իսկ դա նշանակում է` Մոսկվայում։ «Թող խոսեն» հաղորդման եթերում Տատյանա Սերգեևնան պատմել է Ջիգարխանյանի մասին. «Նա հիմա նման է մարդու, որին կյանքը մի լավ ճզմել է։ Երեք օր առաջ նա ինձ կյանքում առաջին անգամ ասաց` ես քեզ շատ սիրում եմ։ Երբեք սեր չէր խոստովանել։ Պատճառն այն չէր, որ չէր սիրում, պարզապես ասում էր, որ սերն ապացուցում է վերաբերմունքով և արարքներով… Ես նրան պատմում եմ ուղևորությունների, Ամերիկայի կյանքի մասին։ Գովում է ինձ։ Նա զգում է իր մեկուսացած լինելը, քանի որ արդեն այդքան ակտիվ չէ։ Երբ մտերիմ մարդը պատմում է, թե ինչ է կատարվում աշխարհում, նրա մտահորիզոնն ընդլայնվում է։ Մեր հետաքրքրություններն էլ միշտ նույնն են եղել։ Այդ պատճառով երբեք չենք էլ վիճել…»

Վլասովան ասել է, որ շատ է մտահոգվել, երբ ամուսինն ու Վիտալինան ամուսնացել են. «Եթե դա ինձ չսպանեց, ուրեմն ավելի ուժեղ դարձրեց... Ճիշտ է, մտածում էի` կմեռնեմ...»

Նա նշել է նաև, որ Վիտալինան մանիպուլյացիաների է ենթարկել Ջիգարխանյանին` օգտագործելով նրա թույլ կողմերը, իսկ ամուսինն ուզել է օգնել նրան, այդպես էլ ամուսնացել են։ Վլասովան Ցիմբալյուկ–Ռոմանովսկակայի մասին ասել է. «Ես համարում եմ, որ ամուսնուսու առողջական վիճակի մեղավորը նա է։ Նրանց պաշտոնական ամուսնությունից հետո, երբ արդեն Վիտալինայի կախարդանքն անցել էր, Վիտալինան սկսել էր նյարդայնացնել Ջիգարխանյանի, բայց նա ինձ այնպես էր նեղացրել, որ վերադառնալ հնարավոր չէր։ Եվ նա դիմանում էր Վիտալինային, հանդուրժում նրան, աղջիկը գողություն էր անում, թատրոնում իր բարքերն էր հաստատել, իսկ ամուսինս դիմանում էր...»

Այժմ Վլասովան խոստանում է հոգ տանել Արմեն Ջիգարխանյանի մասին։

«Որոշել ենք միասին ծերանալ». Արմեն Ջիգարխանյանն ու նախկին կինը միացել են

թեմա:
Արմեն Ջիգարխանյանի ընտանեկան դրաման (121)

Ըստ թեմայի

«Ինչպես կարող էիր»․ Ջիգարխանյանի նախկին կնոջը «բռնացրել» են Անդրեյ Մալախովի հետ
Վաղվա օրվա երջանիկ այրիները, կամ ում են պետք «ջիգարխանյաններն» ու «պետրոսյանները»
Աննա Հակոբյանն այցելել է սիրված դերասան Արմեն Ջիգարխանյանին
թեգերը:
Կին, Արմեն Ջիգարխանյան, Ռուսաստան

Գլխավոր թեմաներ