ԵՐԵՎԱՆ, 10 դեկտեմբերի – Sputnik. Հայաստանում հունվարի 10-14-ը սպասվում է առանց տեղումների եղանակ: Քամին կլինի հարավարևմտյան՝ 3-8 մ/վ: Այս մասին հայտնում է ՀՀ արտակարգ իրավիճակների նախարարության մամուլի ծառայությունը։
Հանրապետության տարածքում օդի ջերմաստիճանն էապես չի փոխվի:
Երևանում ևս սպասվում է առանց տեղումների եղանակ. մայրաքաղաքում այսօր ցերեկային ժամերին կգրանցվի +4-ից +6, երեկոյան` +1-ից +3, գիշերը` -2-ից -4 աստիճան։
Այս գիշեր ամենացածր ջերմաստիճանը գրանցվել է Շիրակի, Գեղարքունիքի մարզերում, Կոտայքի, Արագածոտնի և Վայոց Ձորի լեռներում։
Ձյուն, դահուկներ, ադրենալին.ոչ միայն Ծաղկաձորում, ձմեռային հանգստի հրավեր`երկրի հյուսիսից
Նշենք, որ ՀՀ ԱԻՆ Հիդրոմետ ծառայության Օդերևութաբանության կենտրոնի պետ Գագիկ Սուրենյանը երեկ Facebook-ի իր էջում գրել էր, որ հանրապետության լեռնային գոտիներում անցած տարվա նույն օրերի համեմատ ձյան ծածկի բարձրությունը եռակի և քառակի պակաս է, իսկ առանձին լեռնային գոտիներում` ընդհանրապես բացակայում է։ Օդի ջերմաստիճանը շարունակում է բարձր մնալ կլիմայական նորմայից 3-5 աստիճանով։
«Ավելի տաք Հայաստանը»` Սուրենյանի նախընտրական քարոզարշավի կարգախոս. օգտատերերը կատակում են
Սուրենյանը նաև հավելել էր, որ առաջիկա 10 օրերին հանրապետության տարածքում ո՛չ լուրջ տեղումներ են սպասվում, ո՛չ էլ ջերմաստիճանի անկում, ավելին` հունվարի 15-ից հետո կդիտվի օդի ջերմաստիճանի որոշակի բարձրացում։
