15:25 28 հունվարի 2020
Ուղիղ եթեր
  • USD478.87
  • GBP626.79
  • EUR528.43
  • RUB7.75
Հասարակություն
Ստանալ կարճ հղումը
166710

15–ամյա գյումրեցի Միքայելին արդեն ոչ միայն Գյումրիում, այլև ողջ հանրապետությունում են շատերը ճանաչում։ Հիմա էլ նա հոբբին բիզնեսի է վերածել։

Արմենուհի Մխոյան, Sputnik Արմենիա

Գյումրեցի Միքայելը Սարգսյանը, թեև դեռ 15 տարեկան է, բայց արդեն սեփական բիզնեսն ունի։ Նա խոստանում է Շիրակում զարգացնել ճագարաբուծությունը։

Մեկ տարի առաջ Միքայելը  չէր էլ կարող պատկերացնել, որ ՀՀ վարչապետ Նիկոլ Փաշինյանի հետ հանդիպումը ճակատագրական կարող է դառնալ:

Дело вместо слова: 15-летний фермер Микаел Саркисян занимается разведением кроликов
© Sputnik / Armenuhi Mikhoyan
Գյումրեցի 15–ամյա ֆերմեր Միքայել Սարգսյանը

Դեռ ամիսներ առաջ`2019–ի ապրիլին, Գյումրի` ՀՀ վարչապետ Նիկոլ Փաշինյանի կատարած այցի ժամանակ Միքայելը խոստացավ սեփական ուժերով մաքրել Գյումրու Ավտոկայան  թաղամասի տարածքը: Վարչապետն էլ փոխարենը խոստացավ նրան ընդունել իր նստավայրում: Երկուսն էլ խոստումները պահեցին:

Հանդիպման ընթացքում Փաշինյանը Միքայելից իմացավ, որ սիրում է ճագարներ և կուզեր սեփական ֆերմա ունենալ: Վարչապետի աջակցությամբ Միքայելի երազանքն իրականություն դարձավ։ «Դավթյան ֆարմս» ընկերության համասեփականատեր, ճագարաբույծ Դավիթ Դավթյանը օգնեց  Միքայելին`փոքրիկ ֆերմա ունենալու հարցում: Ոչ միայն ֆերմայով ու ճագարներով՝  Դավիթը Միքայելի կողքին է  ցանկացած հարցում: Նա խոստացել է տղային օգնել նաև ճագարի մսի իրացման հարցում:

15-ամյա գյումրեցին այսօր արդեն հոբբին բիզնեսի է վերածել. ունի մսատու համարվող կալիֆոռնիական ցեղատեսակի 10 ճագար: Ճագարներն արդեն հասցրել են ձագեր ունենալ, նոր ձագեր սպասվում են նաև առաջիկա ամսվա ընթացքում՝ արդեն 3 մայրացու կա:

«Ճագար պահելու մեջ դժվարություն չկա, եթե սիրեցիր աշխատանքդ, ամեն ինչ էլ կստացվի»,-նշում է երիտասարդ ֆերմերը՝ մանրամասն ներկայացնելով ճագարներ պահելու առանձնահատկությունը՝ ջերմային անհրաժեշտ պայմաններ, մաքրություն, ժամանակին կեր ու ջուր:

Дело вместо слова: 15-летний фермер Микаел Саркисян занимается разведением кроликов
© Sputnik / Armenuhi Mkhoyan
Գյումրեցի 15–ամյա ֆերմեր Միքայել Սարգսյանի ճագարները

Իրացման խնդիր չի ունենա՝  վստահ է  տղան: «Հայաստանում հիմա ավելի շատ պահանջարկ կա, քան առաջարկ. շուկայում մոտ 10 տոննա ճագարի մսի դեֆիցիտ կա: 600 մարդուց մեկն է օգտագործում ճագարի միս, քանի որ տարիներ շարունակ ժողովրդին վատ, սխալ կերակրած ճագարի միս է տրվել։ Ես էլ մինչև ուսումնասիրելը սխալ էի պահում ճագարներին, հիմա հատուկ համակցված կեր եմ տալիս, իսկ բարձրարժեք ճագարը շատ համեղ է, բացի այդ նաև ամենադիետիկ միսն է՝ հեշտ մարսվող»,-պատմում է ֆերմերը:

«Բլինչիկ» ու «Մայրաքաղաքային» աղցան. ինչպես են հայն ու իտալացին Գյումրիում նշել Ամանորը

Միքայելը Sputnik Արմենիային վստահեցնում է՝ իր համար այս ֆերման պահելն ու ընդլայնելն արդեն պատվի հարցն է: «Ես պատասխանատվություն եմ վերցրել ու պետք է դա պատվով անեմ: Պետք է և՛ տեղի շուկան հարստացնեմ, և՛ Հայաստանի ճագարի մսի մասին ներկայացնեմ ամբողջ աշխարհին»,-ասում է Միքայելը:

Дело вместо слова: 15-летний фермер Микаел Саркисян занимается разведением кроликов
© Sputnik / Armenuhi Mkhoyan
Գյումրեցի 15–ամյա ֆերմեր Միքայել Սարգսյանը

Տղան խոստովանում  է՝ զբաղմունքը դասերին չի  խանգարում, միայն 2-3 ժամ է իրենից խլում: Ասում է՝ համադասարանցիները գիտեն իր զբաղմունքի մասին՝ տեսել են ՀՀ  վարչապետի հետ ունեցած հանդիպման տեսանյութը, ինչը հպարտանալու առիթ է:

Գյումրեցիները քանդված տնակների մեխերով փորձում են արվեստի գործեր ստեղծել. լուսանկարներ

Միքայելը այսօր արդեն երազում է ոչ միայն բիզնեսն ընդլայնելու, Հայաստանի շուկան լավ ճագարի մսով հարստացնելու, այլ նաև ճագարների գոմաղբից պարարտանյութ ստանալու մասին։ Նա պատրաստ է նաև ցանկացողներին փոխանցել իր գիտելիքները:

Ըստ թեմայի

Պատրաստված է Հայաստանում. գյումրեցի եղբայրները պատրաստվում են փայտե ակնոցով գրավել աշխարհը
Աղջիկն` օրական, բաժինքը՝ տարեկան, կամ ինչ օժիտ են տարել գյումրեցի աղջիկները
Տնակից՝ տուն. գյումրեցի 2 ընտանիք փազլի շնորհիվ Նոր տարին նոր բնակարանում կդիմավորեն
թեգերը:
Երիտասարդ, գործարար, բիզնես, Նիկոլ Փաշինյան, Գյումրի

Գլխավոր թեմաներ