09:23 29 մարտի 2020
Ուղիղ եթեր
  • USD498.43
  • GBP608.88
  • EUR548.22
  • RUB6.40
Հասարակություն
Ստանալ կարճ հղումը
13310

Փաշինյանը խոսել է Բաքվի ջարդերի մասին և երախտագիտություն հայտնել այն բոլոր միջազգային կառույցներին և խորհրդարանական մարմիններին, որոնք արձագանքել և փաստագրել են այս իրադարձություններն ու դատապարտել դրանք։

ԵՐԵՎԱՆ, 13 հունվարի — Sputnik. ՀՀ վարչապետ Նիկոլ Փաշինյանն ուղերձ է հղել Բաքվում իրականացված հայկական ջարդերի 30-րդ տարելիցի  առնչությամբ։ Նա նշել է, որ հայերի բնաջնջման կամ բռնագաղթեցման նոր փորձերի հնարավորություն չի լինելու։

Այսօր ՀՀ վարչապետ Նիկոլ Փաշինյանը, Ամենայն Հայոց Կաթողիկոս Գարեգին Բ-ն, Ազգային ժողովի նախագահ Արարատ Միրզոյանը, բարձրաստիճան այլ պաշտոնյաներ այցելել էին Ծիծեռնակաբերդ` հարգանքի տուրք մատուցելու Բաքվի ջարդերի զոհերի հիշատակին։

«Սումգայիթի ոճրագործությունից հետո թափ հավաքող բռնաճշնումների և էթնիկ զտումների քաղաքականության հետևանքով, 1990–ին Բաքվի 250 հազարանոց հայկական համայնքից մնացել էր միայն 35-40 հազարը՝ հիմնականում տարեց և անօգնական մարդիկ: Նրանց հետագա ճակատագիրն ավելի ողբերգական էր: Հարյուրավոր սպանվածներ, խեղվածներ և անհետ կորածներ, տասնյակ հազարավոր փախստականներ. այսպիսինն էր շուրջ մեկ շաբաթ Բաքվում մոլեգնած հակահայկական ջարդերի հետևանքը»,–ասել է Փաշինյանը։

Նրա խոսքով` Բաքվի հայերը որևէ սպառնալիք չէին հանդիսանում Ադրբեջանի, նրա իշխանությունների կամ քաղաքական ուժերի համար: Այնուհանդերձ, Ադրբեջանը նրանց` միայն իրենց էթնիկ ծագման պատճառով, սպառնալիք էր ընկալում:

Սումգայիթ, 30 տարի անց. պատմություն` առանց վերջակետի

Փաշինյանը նշեց` հայերը Բաքվում ապրել են դարեր շարունակ և այդ քաղաքին տվել իրական բազմամշակութային դիմագիծ: 19-րդ դարում նրանք մեծագույն ավանդ են ունեցել քաղաքի նավթարդյունաբերության հիմնադրման և զարգացման գործում:

Սակայն հիմա` դեպքերից 30 տարի անց, ըստ ՀՀ վարչապետի, Ադրբեջանում չեն հարգում Բաքվի հակահայկական ջարդերի զոհերին։ Անցած երեք տասնամյակն Ադրբեջանում չի դարձել վերաիմաստավորման, զղջման և հաշտության հասնելու ժամանակաշրջան։ Հայատյացությունը, Փաշինյանի խոսքով` դարձել է Ադրբեջանի պետական քաղաքականությունը և հավատամքը։

«Այս ընթացքում ականատես ենք եղել Արցախի բնակչությանը բնաջնջելու փորձի, մարդասպանության համար պատիժ կրող Ռամիլ Սաֆարովին ազատ արձակման և հերոսացման, 2016թ. ապրիլին Արցախի սահմանամերձ բնակավայրում տարեց և անօգնական մարդկանց դաժան խոշտանգման և սպանության: Հայատյացությունը դարձել է Ադրբեջանի պետական քաղաքականությունը և հավատամքը»,- ընդգծել է ՀՀ վարչապետը:

Բաքուն ապշել է Ռուսաստանի դիտողությունից` ի պատասխան Ալիևի արած հայտարարության

Փաշինյանը նաև երախտագիտություն հայտնեց բոլոր միջազգային կառույցներին և խորհրդարանական մարմիններին, որոնք արձագանքել և փաստագրել են այս իրադարձություններին՝ դրանք դատապարտելով ու աշխարհին ի ցույց դնելով:

«Հայաստանի Հանրապետությունը, Արցախի Հանրապետությունը և ողջ աշխարհասփյուռ հայությունը միասնաբար ներդնելու են իրենց ողջ ներուժը՝ ապահովելու հայ ժողովրդի գոյության և խաղաղ զարգացման իրավունքը իր պատմական հայրենիքում, այդ թվում՝ Արցախում»,– նշել է նա։

Հիշեցնենք, որ հայերը Բաքվում ենթարկվել են երեք մեծ ջարդերի՝ 1905-ին, 1918-ի սեպտեմբերին և 1990 թվականի հունվարի 13-15-ը: 1990 թվականի հունվարի 13-ին Բաքվում կայացած բազմահազարանոց հանրահավաքից հետո ամբոխը խմբերի բաժանված, նախանշված հասցեներով ներխուժեց հայերի բնակարանները և ծեծ ու բռնարարքներ սկսեց։

Սումգայիթի, Բաքվի ջարդեր. ինչպես հայ կինը լուծեց ամուսնու վրեժը

Ադրբեջանի իշխանությունները պատասխանատվությունից խուսափելու և միջազգային հասարակական կարծիքը մոլորեցնելու նպատակով մեղադրել են այսպես կոչված «խուլիգանական տարրերին», իբր տեղի ունեցած ողբերգական դեպքերը նրանց անկարգությունների և սանձարձակությունների հետևանք են։

1990 թվականի հունվարի 13-20-ը Բաքվում տեղի ունեցան հայ բնակչության զանգվածային ջարդերը: Դրանից հետո հայերն ամբողջությամբ լքեցին քաղաքը և ամբողջ Ադրբեջանի ԽՍՀ-ն: Հունվարի 20-ի գիշերը 147 մարդ զոհվեց: Կատարվածի համար մինչ օրս ոչ ոք պատասխանատվություն չի կրել:

Ըստ թեմայի

Ազգությամբ ադրբեջանցի, հոգով՝ հայ. էջմիածնեցի Ալիևի փառքի ճամփան
Արյունոտ հունվարի 30-ամյա հետքը. հայ փախստականների մասին լռում է անգամ Հայաստանը
«Բաքվից դեռ խաղաղասիրական ոչինչ չենք լսել». Էնֆիաջյանի ելույթը Թուրքիայում
Սումգայիթը մինչ օրս չունի ո՛չ քաղաքական, ո՛չ իրավական գնահատական. ո՞վ է մեղավոր
թեգերը:
Արցախ, Ադրբեջան, Բաքու, Նիկոլ Փաշինյան, Հայաստան

Գլխավոր թեմաներ