Ուտում ենք, կշտանում ու տաքանում. Երևանի ո՞ր ռեստորաններում են համեղ ապուր մատուցում

Խյուս–ապուր եփելը հեշտ է, բայց նույնիսկ դա կարելի է փչացնել, եթե բաղադրատոմսը հայտնվի ոչ այնքան փորձառու խոհարարի ձեռքում։ Երևանում մի քանի ստուգված վայրեր կան, որտեղ շատ լրջորեն են մոտենում այդ քմահաճ ուտեստին, ու հենց այդ պատճառով էլ այնտեղ ապուրները միշտ շատ համեղ են լինում։

Օրինակ` Black Angus ռեստորանը, որը հայտնի է իր բուրգերներով։ Նշենք, որ խոհարարները մյուս ուտեստներն էլ են բարձր մակարդակով պատրաստում։ Եվ թող որ այստեղ կրեմ–ապուրների մեծ ընտրություն չկա (միայն սնկով է և բրոկոլիով), բայց երկուսն էլ շատ համեղ են։ Ապուրները պատրաստում են պատվերից անմիջապես հետո, ոչ թե տաքացնում են արդեն պատրաստի ուտեստը։

Տնային տնտեսուհուց մինչև «շեֆ» խոհարար. ինչպես հայուհին նվաճեց Ավստրալիայի խոհանոցը

Ասիական խոհանոցի սիրահարներին խորհուրդ ենք տալիս այցելել ThaiWine, որտեղ մատուցում են վիետնամական Ֆո կոչվող ապուրը։ Այս ապուրի մասին ասում են, թե կարող է սթափեցնել ցանկացած հարբած մարդու։ Մատուցվում է մեծ ափսեներով։ Մնում է վայելել մսի հսկայական կտորների, լապշայի, կծու համեմունքների և հրդեհավտանգ պղպեղի համադրությունը։ Ֆոն ոչ միայն հագեցնում է քաղցը, այլև ջերմացնում է ցրտից սառած մարմինը։

«Հոտնկայս ծափահարում էին». Մադրիդի հայկական ռեստորանի տիրուհին խոհարարական դասեր է տալիս

Խոհանոցային ժանրի դասական դրսևորումներից մեկը հավով ապուրն է։ Թվում է, թե այս ուտեստը պատրաստելու համար մեծ հմտություններ պետք չեն, բայց խոհարարական գործում հմտացած մարդիկ, օրինակ` ոչ շատ հայտնի BackYard–ի խոհարարները հավով ապուրն իսկական հրաշքի են վերածում` հագեցնող, կծու և ախորժալի։ Եթե որոշեք արգանակով հավ համտեսել BackYard–ում, խորհուրդ ենք տալիս սեղան պատվիրել բակում։ Մի վախեցեք, ձեզ թույլ չեն տա, որ մրսեք։ Նախ` բակը «պարսպապատել» են թաղանթով, և երկրորդ` տաքացրել են ինֆրակարմիր սարքավորմամբ։ Խոստանում ենք, որ այդ բակում համտեսած ապուրը մինչև ոսկորները ձեզ կջերմացնի։

Հայ խոհարարը ձեռնոց է նետել «պեստոյին». «Հայկական թավիշը» կհայտնվի վաճառասեղանին