02:13 06 օգոստոսի 2020
Ուղիղ եթեր
  • USD485.52
  • GBP637.44
  • EUR575.63
  • RUB6.66
Հասարակություն
Ստանալ կարճ հղումը
138701

Հեռուստահաղորդավարուհի Սաթի Սպիվակովան որոշել է անդրադառնալ օպերային երգիչներ Էյվազովի և Մանթաշյանի շուրջ ծավալված աղմկահարույց պատմությանը։

ԵՐԵՎԱՆ, 21 հունվարի — Sputnik. Հայտնի ջութակահար և դիրիժոր Վլադիմիր Սպիվակովի կինը` Սաթի Սպիվակովան, Instagram–ի իր էջում գրել է ադրբեջանցի երգիչ Յուսիֆ Էյվազովի շուրջ ծավալված սկանդալի մասին։

Հունվարի 13–ին տեղեկություն տարածվեց, որ օպերային երգչուհի Աննա Նետրեբկոյի ամուսինը` տենոր Յուսիֆ Էյվազովը, հրաժարվել է Դրեզդենի օպերային փառատոնի բացմանը նույն բեմում ելույթ ունենալ սոպրանո Ռուզան Մանթաշյանի հետ` պատճառաբանելով երգչուհու հայ լինելը։ Հայտարարության համաձայն` համերգի կազմակերպիչները չեղարկել էին հայ երգչուհու ելույթը։

Փառատոնի կազմակերպիչներն էլ հայտարարություն տարածեցին` վստահեցնելով, որ Էյվազովը նման բան չի ասել, իսկ Մանթաշյանն էլ ընդհանրապես հրավիրված չի եղել փառատոնին։ SemperOpernball–ի կազմկոմիտեն նշեց, որ հավանաբար հայ երգչուհուն ներկայացնող Massis Opèra ֆրանսիական համերգային գործակալության հետ թյուրըմբռնում է եղել։ Իսկ երգչուհու գործակալը հայտարարեց, որ Մանթաշյանին իսկապես հրավիրել են։

«Եթե Մանթաշյանն ու Էյվազովը միասին բեմ դուրս գան...». բացառիկ հարցազրույց` Սպիվակովայի հետ

Սպիվակովան, որի երակներով նաև հայի արյուն է հոսում, որոշել է պատասխանել «պատերազմի ճամփան բռնելու» բազմաթիվ կոչերին և այն մեղադրանքներին, թե ինչու է ինքը լռում «դրեզդենգեյթի» թեմայով։

«Արվեստն ընդհանրապես, իսկ երաժշտությունը հատկապես մեկ ազգության, մեկ դավանանքի և ունիվերսալ լեզվի տարածք է։ Քաղաքական գործիչների կողմից արդեն շիկացրած ազգամիջյան հողի վրա ատելություն սերմանելն ավելի հեշտ է, քան այրվող լուցկին հսկայական անտառի մեջտեղում գտնվող և բենզինով լցված բաց տարայի մեջ նետելը։ Ոչ ոք չի կարող իր կաշվի վրա ավելի ուժեղ զգալ գենետիկ թշնամանքի ցավը, քան մեր երկու ժողովուրդները, սակայն այդ ցավը բուժել է պետք, և այն կարելի է բուժել միայն սիրով ու հանդուրժողականությամբ, ուշադրությամբ և փոխըմբռնմամբ, իսկ գլխավորը` բանականությամբ` առանց սադրանքների տրվելու», – գրել է հեռուստահաղորդավարը։

Նա նշել է, որ Վլադիմիր Սպիվակովի հետ 37 տարվա համատեղ կյանքի ընթացքում բազմաթիվ անգամ տեսել է, թե ինչպես են մեծ արտիստները (այդ թվում և իր ամուսինը) սադրանքների, ինտրիգների, անբարեխիղճ գործակալների, պրոդյուսերների ու տնօրենների բանսարկությունների զոհ դառնում։ Դրա հետևանքով ոչ միայն պայմանագրեր, այլև ազգության հետ որևէ կապ չունեցող և երկար տարիների ընկերական տանդեմներ են տապալվել։

«Եվ անկախ նրանից, որ ես հիանում եմ երիտասարդ հայ երգչուհի Ռուզաննա Մանթաշյանով, գիտակցում, որ այս կեղտոտ և ճղճիմ պատմության մեջ նա զոհ է, ուզում եմ պաշտպանել Յուսիֆ Էյվազովին` հստակ իմանալով, որ նրան զրպարտել են և «քաշել»։ Ես հայուհի եմ, նա` ադրբեջանցի, և եթե դիտարկենք քաղաքական կոնտեքստում, ապա մենք հաստատ բարիկադների տարբեր կողմերում կլինենք։ Սակայն երբեք, որևէ արտիստի համար գործընկերոջ ազգությունը դեր չի խաղացել։ Նրանց անվան կողքին գրված է «արտիստ»։ Բոլոր արտիստները ԱՐՎեՍՏ անունը կրող մի մեծ երկրի քաղաքացիներ են», – գրել է հեռուստահաղորդավարուհին։

Посмотреть эту публикацию в Instagram

Публикация от Sati Spivakova (@satispivakova)

Սպիվակովան որոշել է վերջակետ դնել այս թեմային և բոլորին հորդորել է դադարեցնել անհեթեթ թեմայի քննարկումը։ Միևնույն ժամանակ նա նշել է, որ մեկնաբանություններին չի պատասխանելու։ «Viva la Musica»,– գրառումը եզրափակել է հաղորդավարուհին։

Պատկերացրեք` նման բան անեին Իսրայելի քաղաքացու հանդեպ. Պապյանը` հայ երգչուհու դեպքի մասին

Ըստ թեմայի

Ադրբեջանցի երգչուհին նմանակում է Քիմ Քարդաշյանին. լուսանկարներ
Ադրբեջանցիներին չի հաջողվել տապալել հայ երեխաների ելույթը. միջադեպ` Մոնտենեգրոյում
Ադրբեջանցիների լուսանկարները Գյումրի չեն բերվել
թեգերը:
Ռուզան Մանթաշյան, Սաթի Սպիվակովա, ադրբեջանցի, հայ, Յուսիֆ Էյվազով

Գլխավոր թեմաներ