ԵՐԵՎԱՆ, 21 հունվարի — Sputnik. ՀՀ պետական գույքի կառավարման կոմիտեից ստացած փաստաթղթերի ուսումնասիրության արդյունքում ՀՀ գլխավոր դատախազությունը պարզել է, որ Երևանի կենտրոնում գտնվող եռահարկ շենքը ՀՀ կառավարությունը վաճառել է իրական գնից 3 անգամ ցածր գնով։
Խոսքը Լեոյի 54 հասցեում գտնվող «Հիդրոմետ» ծառայության նախկին շենքի մասին է, որն ունի 2503.4 քմ մակերես, 55.9 քմ մակերեսով կաթսայատուն, 0.12 հա հողամաս։
Այս ամենը 2016թ–ին ինչ–որ մասնավոր ընկերության կեղծ եզրակացության հիման վրա գնահատվել է 515.890.000 ՀՀ դրամ: Բայց 2018թ–ի մայիսի 17-ին շենքն օտարվել է ընդամենը 360.620.000 դրամով` իբր անցկացված մրցույթի արդյունքում։
Եվ ահա 2-3 տարի անց դատախազությունը պարզել է, որ շենքի իրական արժեքը ոչ թե 515.890.000 դրամ է, այլ 850 մլն։
Առևտուր` առանց փողի և կրիպտոարժույթի. ղազախստանցի հայը նոր առցանց հարթակ է ստեղծել
Այսինքն` Երևանի կենտրոնում գտնվող հսկա շենքը վաճառվել է իրական արժեքից 3 անգամ պակաս արժեքով։
ՀՀ պետական գույքի կառավարման կոմիտեի ու ՀՀ գլխավոր դատախազության իրականացրած ուսումնասիրության արդյունքներով հարուցվել է քրեական գործ:
ՏՏ ընկերությունը էլեկտրաէներգիա է գողացել Հայաստանում և կրիպտոարժույթ արտադրել. տեսանյութ
Նախաքննության կատարումը հանձնարարվել է ՀՀ քննչական կոմիտեին:
Հիշեցնենք` «Հիդրոմետ» ծառայության շենքը որոշվել էր աճուրդով վաճառել 2015թ–ին, երբ Տարածքային կառավարման և Արտակարգ իրավիճակների նախարարությունների միավորման արդյունքում այդ ծառայությունը տեղափոխվել էր ԱԻՆ-ի՝ Դավթաշենում գտնվող տարածք:
