00:33 26 հունվարի 2021
Ուղիղ եթեր
  • USD518.36
  • GBP708.60
  • EUR629.39
  • RUB6.88
Հասարակություն
Ստանալ կարճ հղումը
200 0 0

Գյումրիում հարթ ու ասֆալտապատ փողոցներն ավելացել են, բայց ճանապարհատրանսպորտային պատահարները չեն քչացել։ Արագության գերազանցման դեպքերը շատ են, որովհետև քաղաքում միայն 3 աշխատող արագաչափ կա:

ԵՐԵՎԱՆ, 27 հունվարի – Sputnik, Արմենուհի Մխոյան. Գյումրիի հատկապես նորոգված փողոցներում արագության գերազանցման դեպքերը շատ են: Արագություն գերազանցող վարորդներին սթափեցնող արագաչափերը քաղաքում 5-ն են, նրանից սակայն աշխատում են 3-ը:

Դրանց քանակն, այս տարի ավելացնել հնարավոր չէ: Գյումրիում արագաչափեր տեղադրելու խնդրանքով նախ որպես վարորդ, ապա որպես Ազգային ժողովի պատգամավոր Կարեն Սարուխանյանը դիմել էր ՀՀ վարչապետին։ Վարչապետին ուղղված նամակին սակայն, ՀՀ ճանապարհային ոստիկանությունն էր պատասխանել` ասելով, որ 2020 թվականի համար Գյումրիում արագաչափեր տեղադրելու աշխատանքներ նախատեսված չեն:

Նշենք, որ ինչպես Գյումրու քաղաքապետարանը, այնպես էլ ճանապարհային ոստիկանության ներկայացուցիչներն ու հասարակ գյումրեցիները վստահ են՝ արագաչափեր պետք են։

Կլանային որոշո՞ւմ. Շիրակի մարզպետի`ԲԿ տնօրենի նշանակումը թեժ քննարկումների առիթ է տվել

«Մենք երկու ձեռքով կողմ ենք, որ Գյումրիում ունենանք արագաչափեր և տեսանկարահանող սարքեր, բայց դրա հնարավորությունը չունենք»,-ասում է Գյումրիի քաղաքապետարանի բնակկոմունալ և շրջակա միջավայրի պահպանության բաժնի պետ Կնյազ Մանասյանը` հավելելով, մինչ արագաչափերի տեղադրումն անհրաժեշտ է, նաև որ փողոցները կահավորվեն ճանապարհային նշաններով: Քաղաքապետարանը հաշվել է` Գյումրիի փողոցներում 6000 ճանապարհային նշան է պետք: 700-800 մլն դրամ պետք է ծախսել համապատասխան նշաներն ունենալու համար, որից հետո ամեն տարի 200-250 մլն պետք է եղածը պահպանելու համար: Պահանջվող գումարը Գյումրիի տեղական բյուջեի համար մեծ ծախս է:

Փաշինյանն օգնեց նպատակասլաց գյումրեցուն, կամ 15-ամյա ֆերմերն ու ճագարի բիզնեսը Հայաստանում

Արագաչափերից ավելի երթևեկության մշակույթ է պետք ձևավորել: «Հունվար ամսին 800-900 վարչական արձանագրություն է կազմված Շիրակի մարզում, որից 55-ը՝ ոչ սթափ վարորդների նկատմամբ: Պետք է երթևեկության կուլտուրա մտցնել»,- նշում է ՃՈ 3-րդ դասակի հրամանատար Լյուդվիգ Ղանդիլյանը:

Արագաչափերի տեղադրման և դրանց ֆինանսավորման աղբյուրների վերաբերյալ հարցն առաջիկայում կդրվի հանրային քննարկման, որից հետո առաջարկները կներկայացվեն օրենսդիրին:

Ըստ թեմայի

Գյումրին ուրիշ է. ֆուտբոլիստ Անդրանիկ Բարիկյանը չդիմացավ Ֆրանսիայում և վերադարձավ հայրենիք
Մարդաշատ հյուրանոցներ, ռեստորաններ ու թանգարաններ. Գյումրին թրենդային է նաև ձմեռվա սեզոնին
Գյումրիում հերթական անգամ նշվեց Քրիստոսի Մկրտության տոնը. տեսանյութ
թեգերը:
Նիկոլ Փաշինյան, Կարեն Սարուխանյան, ՀՀ Ոստիկանություն, Պատգամավոր, քաղաքապետարան, Ճանապարհ, ավտովթար, արագաչափ, Գյումրի

Գլխավոր թեմաներ