17:22 11 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Հասարակություն
Ստանալ կարճ հղումը
89 0 0

ԱԺ «Իմ քայլը» խմբակցությունը հանդիպելու է ՀՀ ոստիկանապետի ժամանակավոր պաշտոնակատարին։ Ի թիվս այլ հարցերի, քննարկվելու են նաև հունվարի 28-ի ձերբակալությունները։

ԵՐԵՎԱՆ, 29 հունվարի — Sputnik. ՀՀ ոստիկանապետի ժամանակավոր պաշտոնակատարն ԱԺ–ում կներկայացնի հունվարի 28-ին կատարված ձերբակալությունների հիմքերը։

ԱԺ «Իմ քայլը» խմբակցության ղեկավար Լիլիթ Մակունցը լրագրողների հետ հանդիպմանը հայտնեց, որ ՀՀ ոստիկանապետի ժամանակավոր պաշտոնակատար Արման Սարգսյանը ԱԺ–ում կներկայացնի հունվարի 28-ին կատարված ձերբակալությունների հիմքերը։  Նրա խոսքով` վաղը ԱԺ–ում նախատեսված է Արման Սարգսյանի հետ հանդիպում, որի ընթացքում կհնչի նաև այդ հարցի պատասխանը։

Ինչու «Էրեբունի պլազա» ներխուժած տղամարդուն ձեռնաշղթաներ չեն հագցրել. հայտարարություն

«Մենք նախապես պլանավորել էինք հանդիպում ոստիկանապետի պաշտոնակատարի հետ և այս հարցը ևս ուղղվելու է նրան։ Ինչ վերաբերում է  բերման ենթարկվածներին, ապա, եթե իրենք կարծում են, որ իրենց իրավունքները ոտնահարվել են, օրենքը նախատեսում է բոլոր իրավական կարգավորումները, որպեսզի կարողանան պաշտպանել իրենց իրավունքները»,– ասաց Մակունցը։

Հիշեցնենք` հունվարի 28-ին Ոստիկանության 6-րդ վարչության աշխատակիցները Երևանի կենտրոնական փողոցներից բերման էին ենթարկել «ՎԵՏՕ» շարժման հիմնադիր Նարեկ Մալյանին ու շարժման անդամներ Կոնստանտին Տեր-Նակալյանին, Արթուր Դանիելյանին, Ազատ Ադամյանին ու Գրիգոր Մինասյանին։

Կյանքս վստահում եմ քեզ. ինչպես է ոստիկանապետը բանակցում կրակոցներ արձակածի հետ. տեսանյութ

Բերման ենթարկված ակտիվիստները որոշ ժամանակ անց ազատ էին արձակվել։ Ոստիկանության հայտարարության համաձայն`  նրանք բերման են ենթարկվել ապօրինի զենք-զինամթերք պահելու կամ կրելու կասկածանքով։

Բերման ենթարկվածների ու նրանց փաստաբանների հայտարարությունների համաձայն` որևէ մեկի մոտ զենք կամ այլ արգելված առարկա չի հայտնաբերվել։

Նշենք, որ «ՎԵՏՕ» շարժման մասնակիցները պայքարում են «Բաց հասարակությունների գրասենյակ» հիմնադրամի (Սորոսի հիմնադրամ) դեմ և պահանջում արգելել նրանց գործունեությունը Հայաստանում։ Կազմակերպության անդամները 2019թ–ի ընթացքում բողոքի ակցիաներ են իրականացրել «Բաց հասարակությունների գրասենյակի» երևանյան շենքի դիմաց։

«Մեր առջև մեկ խնդիր էր դրված». Սարգսյանը` «Էրեբունի պլազայում» հնչած կրակոցների մասին

Օրերս Նարեկ Մալյանը հրապարակել էր կառավարության՝ 2019թ.-ի մարտի որոշման հղումը, որտեղ երևում է, որ «Բաց հասարակության հիմնադրամներ» կազմակերպության 3,2 միլիոն դոլարի չափով ծրագիրը 2019-2020թթ–ին ճանաչվել է բարեգործական, ինչը փաստացի ազատում է հիմնադրամից ֆինանսավորվող 19 կազմակերպություններին (այդ թվում` ԶԼՄ–ներին) մի շարք հարկերից։

Ըստ թեմայի

«Էրեբունի պլազայում» կրակոցներ արձակած տղամարդը չի ընդունում իրեն առաջադրված մեղադրանքը
Ոստիկանապետի պաշտոնակատարը սեփական տեղակալի մասին դիրքորոշում չունի
Ոստիկանության շենքերի մուտքերի մոտ և հարցաքննության սենյակներում տեսախցիկներ կլինեն
թեգերը:
ԱԺ, Լիլիթ Մակունց, Ոստիկանություն, Արման Սարգսյան, Հայաստան

Գլխավոր թեմաներ