ԵՐԵՎԱՆ, 31 հունվարի — Sputnik. Երևանի քաղաքապետ Հայկ Մարությանը Facebook սոցիալական ցանցի իր էջում գրառում է կատարել, որում հայտնել է, որ մերժել է Աջափնյակում տուֆի և բազալտի նոր հանքի շահագործման հայտը։
«Հիմնվելով հանրային լսումների արդյունքների և քաղաքապետարանի բնապահպանության վարչության եզրակացության վրա՝ որոշել եմ մերժել Աջափնյակում տուֆի և բազալտի նոր հանքի շահագործման հայտը»,–նշված է Մարությանի գրառման մեջ։
Երևանի քաղաքապետի խոսքով` Երևանը պետք է կրկին կանաչ ու էկոլոգիապես անվտանգ միջավայր դառնա։
Երևանը անապատ կդառնա՞, թե՞ քաղաքապետարանը կպայքարի օլիգարխների կառուցած «չինական պատի» դեմ
Հիշեցնենք, որ մինչև Երևանի քաղաքապետարանի` բացասական գնահատական տալը, տեղի էր ունեցել հանրային լսումների առաջին փուլը։ Քննարկմանը ներկա Աջափնյակ համայնքի բնակիչներն ու որոշ բնապահպաններ իրենց մտահոգությունն էին հայտնել հանքի շահագործման վերաբերյալ։
Սարգսյան. «Ես դեմ եմ, որ օպերայի տարածքն ամբողջությամբ կանաչապատվի»
Հանքավայրը ցանկանում էր շահագործել «Սենթրալ Իսթեյթ» ՍՊԸ-ն։ Հանքավայրը զբաղեցնելու էր 320 հեկտար մակերես տարածք, պաշարները 11 մլն խորանարդ մետր են, բայց ընկերությունը ցանկանում էր շահագործել 8.8 հեկտարի վրա գտնվող օգտակար հանածոյի պաշարները, որոնք մոտ 2 մլն խորանարդ մետր են։
