ԵՐԵՎԱՆ, 1 փետրվարի — Sputnik. Փետրվարի 1-ի ժամը 10:00-ի դրությամբ Հայաստանի հանրապետության տարածքում կան փակ և դժվարանցանելի ավտոճանապարհներ:
Ինչպես հայտնում է Արտակարգ իրավիճակների նախարարությունը, Վարդենյաց լեռնանցքը բեռնատար ավտոմեքենաների համար փակ է, մարդատարների համար՝ դժվարանցանելի:
Սոթք-Քարվաճառ ավտոճանապարհին բուք է և մառախուղ։ Ճանապարհն անցանելի է բեռնատարների համար միայն անվաշղթաների կիրառման դեպքում:
Դժվարանցանելի են նաև Լանջիկ-Մաստարա, Գյումրի-Արմավիր ավտոճանապարհները և Դիլիջանի ոլորանները:
Մայիսյան-Աշոցք հատվածը փակ է բոլոր տեսակի ավտոմեքենաների համար:
Արագած-Արթիկ և Մարալիկ-Լանջիկ ավտոճանապարհներին առկա է մերկասառույց:
Երևանում, «Սարավան-Զանգեր» կոչվող հատվածում, Վարդենյաց լեռնանցքում, Արարատի, Շիրակի, Լոռու և Կոտայքի մարզերում, Գեղարքունիքի մարզի Սևան, Մարտունի, Սյունիքի մարզի Կապան, Գորիս, Սիսիան, Քաջարան, Արագածոտնի մարզի Աշտարակ, Ապարան, Թալին, Արագած, Վայոց ձորի մարզի Եղեգնաձոր և Տավուշի մարզի Դիլիջան քաղաքներում տեղում է ձյուն:
Երկրաշարժ Ադրբեջանում. այն զգացվել է նաև Տավուշում
Վարորդներին խորհուրդ է տրվում երթևեկել բացառապես ձմեռային անվադողերով։
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի Ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տիպի տրանսպորտային միջոցների համար:
ՌԴ ԱԻՆ Հյուսիսային Օսեթիայի Ճգնաժամային կառավարման կենտրոնից ստացված տեղեկատվության համաձայն՝ ռուսական կողմում կուտակված են 100 բեռնատար և 20 մարդատար ավտոմեքենաներ:
