08:51 29 սեպտեմբերի 2020
Ուղիղ եթեր
  • USD485.66
  • GBP624.12
  • EUR565.55
  • RUB6.16
Հասարակություն
Ստանալ կարճ հղումը
205 0 0

Գլխուղեղի սուր իշեմիկ կաթվածի՝ պետպատվերով բուժման ծրագրի ներդրումից հետո այդ ախտորոշումով հիվանդների մահվան դեպքերը նվազել են:

ԵՐԵՎԱՆ, 1 փետրվարի — Sputnik. Առողջապահության նախարարության Բժշկական օգնության քաղաքականության վարչության հիվանդանոցային բժշկական օգնության քաղաքականության բաժնի գլխավոր կազմակերպիչ Արմինե Աղաջանյանը լրագրողների հետ զրույցում հայտնեց, որ հաջորդ տարի գլխուղեղի սուր իշեմիկ կաթվածի՝ պետպատվերով բուժում իրականացնող հիվանդանոցների թիվը կավելանա և երկուսի փոխարեն նման ծառայություն կմատուցվի հինգ ԲԿ-ում:

Փրկված երկու կյանք` մեկ օրում․ Sputnik–ի հյուրը Լինա Զուբալովան է

«Նախորդ տարի գլխուղեղի սուր իշեմիկ կաթվածի՝ պետպատվերով բուժում էր իրականացվում միայն երևանյան երկու ԲԿ-ներում՝ Էրեբունիում և թիվ մեկ համալսարանական հիվանդանոցում: Այժմ բժիշկների վերապատրաստումներ ենք իրականացնում, բուժհիմնարկները պատրաստում, որպեսզի հաջորդ տարի թրոմբոլիզի կենտրոն բացվի Գյումրու, Վանաձորի ԲԿ-ներում և Սուրբ Գրիգոր Լուսավորիչ ԲԿ-ում»,-ասաց Աղաջանյանը:

Նրա խոսքով՝ գլխուղեղի սուր իշեմիկ կաթվածի` պետպատվերով բուժման ծրագիրը չնայած մեկ տարվա կյանք ունի, սակայն արդեն իսկ կարելի է հաջողված համարել: Աղաջանյանը հայտնեց՝ եթե մարդու մոտ գլխուղեղի սուր իշեմիկ կաթված է արձանագրվում և նրան տեղափոխում են վերոհիշյալ երկու ԲԿ-ներ, ապա բուժումն ու հիվանդի հետագա խնամքը պետպատվերով է լինում:

Մանկական ուղեղային կաթվածը խարան չէ. փոքրիկ Ֆելիքսն արդեն դպրոց է գնում և ընկերներ ունի

Մեկ տարվա ընթացքում արդեն իսկ 403 քաղաքացի է այդ ծրագրով նման բուժում ստացել: ՀՀ-ում գլխուղեղի կաթվածի բուժման արդյունավետության բարձրացման և կառավարման համակարգող խորհրդի նախագահ Նունե Եղիազարյանն էլ ասաց, որ այս տարի գլխուղեղի սուր իշեմիկ կաթվածի անվճար բուժման համար տրամադրվող գումարները կրկնակի ավելացել են:

Եթե 2019-ին ծրագրի իրականացման համար տրամադրվել էր 300 մլն դրամ, սակայն ծախսվել է 675 մլն դրամ, ապա 2020-ին պետբյուջեով 650 մլն դրամ է հատկացվել:

«Կաթվածների թիվը վերջին տարիներին անսահման ավելացել է. եթե նախորդ տարիներին ունենում էինք 800-900 կաթվածով հիվանդանոց տեղափոխման դեպքեր, ապա նախորդ տարի 2300-ի է հասել այդ թիվը: Սակայն գլխուղեղի սուր իշեմիկ կաթվածի անվճար բուժման ծրագիրն իր դրական արդյունքն արդեն ցույց է տալիս. ես Էրեբունու ԲԿ-ում եմ աշխատում և նախորդ տարի շուրջ 20 տոկոսով այդ ախտորոշմամբ մահացության նվազում ենք ունեցել»,-ասաց Եղիազարյանը:

Հիշեցնենք, որ գլխուղեղի սուր իշեմիկ կաթված ախտորոշմամբ և գլխուղեղի իշեմիկ կաթվածի կլինիկական նշանների ի հայտ գալու պահից մինչև 24 ժամվա ընթացքում (ներառյալ ԲԿ տեղափոխման ժամանակահատվածը) Էրեբունի և Թիվ մեկ համալսարանական հիվանդանոց տեղափոխված բոլոր պացիենտներն ընդգրկվում են պետպատվերով բուժման ծրագրում:

Հայ բժշկի նոու-հաուն կարող է վերակենդանացնել ուղեղը կաթվածի դեպքում

Ըստ թեմայի

Տաթևիկ Ռևազյանը սրճարանում աշխատած թեյավճարին 365 հազար էլ է ավելացրել
Հայերը պատճառ ունե՞ն վախենալու. կորոնավիրուսն ու ազգերի գենետիկ առանձնահատկությունները
Զուբալովա.«Շատ ուրախալի է, որ կարող ենք անվճար սպասարկել հիվանդներին»
թեգերը:
Գլխուղեղի սուր իշեմիկ կաթված, անվճար բուժօգնություն, հիվանդանոց, Հայաստան

Գլխավոր թեմաներ