ԵՐԵՎԱՆ, 2 փետրվարի – Sputnik. ՀՀ Արտակարգ իրավիճակների նախարարությունը հայտնում է, որ փետրվարի 2-ին՝ ժամը 11:00-ի դրությամբ ՀՀ տարածքում առկա են փակ և դժվարանցանելի ճանապարհներ։
Վարդենյաց լեռնանցքը դժվարանցանելի է բոլոր տեսակի ավտոմեքենաների համար, իսկ կցորդիչով բեռնատարների համար՝ փակ:
Սոթք-Քարվաճառ ճանապարհը դժվարանցանելի է բոլոր տեսակի տրանսպորտային միջոցների համար, իսկ Սարավան-«Զանգերը»`կցորդիչով բեռնատարների։ Թեպետ ճանապարհին առկա է մերկասառույց, բայց այս ճանապարհը բաց է մնացած բոլոր տեսակի ավտոմեքենաների համար։
Պատրաստվեք. Հայաստանում կրկին կցրտի. եղանակի տեսություն
Մերկասառույցի պատճառով դժվարանցանելի են Շիրակի մարզի ճանապարհները բոլոր տեսակի ավտոմեքենաների համար, իսկ Սյունիքի և Կոտայքի մարզերի բոլոր ավտոճանապարհներին տեղ-տեղ առկա է մերկասառույց: