ԵՐԵՎԱՆ, 9 փետրվարի — Sputnik. ՀՀ ԱԻՆ ստորաբաժանումները, համագործակցելով պետավտոտեսչության, ճանշինների և տեղական ինքնակառավարման մարմինների հետ, փետրվարի 8-9-ը ընկած ժամանակահատվածում արգելափակումից դուրս են բերել 105 տրանսպորտային միջոց, որից 70-ը սպասարկվել է հենակետերի կողմից:
ԱԻՆ մամուլի ծառայությունից հայտնում են, որ այս ընթացքում օգնություն է ցուցաբերվել շուրջ 262 քաղաքացու, իսկ 79 քաղաքացու տաքացվող վրանային ժամանակավոր փրկարարական հենակետերում ցուցաբերվել է համապատասխան օգնություն:
Հիշեցնենք, որ օդերևութաբանների կանխատեսումների համաձայն` Հայաստանում օդի ջերմաստիճանը կշարունակի նվազել։ Փետրվարի 9-ին Հայաստանի շրջանների զգալի մասում, 10-ին հարավային շրջաններում ձյուն կտեղա։ Արտակարգ իրավիճակների նախարարությունը հայտնում է, որ տեղումները կդադարեն փետրվարի 11–ին։
