ԵՐԵՎԱՆ, 10 փետրվարի - Sputnik. Արտակարգ իրավիճակների նախարարությունը տեղեկացնում է, որ փետրվարի 10-ի ժամը 09:50-ի դրությամբ Սոթք-Քարվաճառ ավտոճանապարհը դժվարանցանելի է, իսկ Կոտայքի մարզի ավտոճանապարհին տեղ-տեղ առկա է մերկասառույց։
«Վարդենյաց լեռնանցքը փակ է, իսկ Սարավան-«Զանգեր» հատվածում և Չայնիի ոլորաններում բուք է: Գորիս-Սիսիան ավտոճանապարհին մառախուղ է»,–հայտնում է ԱԻՆ–ը:
Ստեփանծմինդա-Լարս ավտոճանապարհը փակ է բոլոր տեսակի ավտոմեքենաների համար:
ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ ռուսական կողմում կա կուտակված 838 տրանսպորտային միջոց՝ 720 բեռնատար և 118 մարդատար ավտոմեքենա:
Վարորդներին խորհուրդ է տրվում երթևեկել բացառապես ձմեռային անվադողերով։
Գրանցել կարող են, բայց...ինչ է պետք երկու տարեկան երեխային մանկապարտեզ ընդունելու համար
