23:02 22 փետրվարի 2020
Ուղիղ եթեր
  • USD478.35
  • GBP617.79
  • EUR517.05
  • RUB7.43
Հասարակություն
Ստանալ կարճ հղումը
152 0 0

Ծրագիրը նախաձեռնել և համատեղ իրականացնելու են ՀՀ Աշխատանքի և սոցիալական հարցերի և ԿԳՄՍ նախարարությունները։

ԵՐԵՎԱՆ, 10 փետրվար — Sputnik. ՀՀ Աշխատանքի և սոցիալական հարցերի նախարար Զարուհի Բաթոյանը և ԿԳՄՍ նախարար Արայիկ Հարությունյանը հուշագիր ստորագրեցին, ըստ որի` հաշմանդամություն ունեցող անձինք և կենսաթոշակառուները կկարողանան անվճար այցելել ԿԳՄՍՆ ենթակայության տակ գտնվող թատրոններ և թանգարաններ։

«Յուրաքանչյուր կենսաթոշակառու և հաշմանդամություն ունեցող անձ կարող է յուրաքանչյուր թատերական կազմակեևրպություն անվճար այցելել տարին 3 անգամ, իսկ թանգարաններ` ամիսը 2 անգամ։ Արդյունքում նշված անձինք տարեկան առնվազն 48 ներկայացում դիտելու և գրեթե ամեն օր թանգարան այցելելու հնարավորություն կունենան»,–ասաց Բաթոյանը։

Նրա խոսքով` ընթացակարգը պարզեցվել է. այլևս տոմսեր ձեռք բերելու համար սոցիալական ծառայությունների տարածքային կենտրոններ այցելելու կարիք չի լինի։

Բեմի արքան. ինչպես էր Ժորժ Պիտոևը փոխում եվրոպական թատրոնը

Օրինակ, թանգարաններ այցելելու համար բավական է մոտենալ անձը հաստատող փաստաթղթով և անհրաժեշտության դեպքում ներկայացնել հաշմանդամությունը հաստատող փաստաթուղթ։ Թատրոններ այցելելու համար անվճար տոմսեր պետք է ձեռք բերել նախապես` ներկայացումից առնվազն 24 ժամ առաջ, քանի որ եթե անվճար տոմսերը չեն սպառվել, դրանք կհանվեն վաճառքի։

«Մեր մշակութային օջախները պատրաստակամություն են հայտնել հյուրընկալելու կենսաթոշակային տարիքի և հաշմանդամություն ոջնեցող մեր հայրենակիցներին»,–ասաց ԿԳՄՍ նախարար Արայիկ Հարությունյանը։

Նրա խոսքով `յուրաքանչյուր թատերական կազմակերպություն յուրաքանչյուր միջոցառման համար ինքն է որոշում անվճար տոմսերի քանակը, որը կարող է տատանվել դահլիճի տեղերի 2.5-5 %-ի սահմաններում։

Նշենք, որ անվճար տոմսի վրա պարտադիր նշվում է անուն, ազգանուն, այն այլ անձի փոխանցել չի կարելի։ Միջոցառմանը պետք է ներկայանալ հրավիրատոմսով կամ անվճար տոմսով, անձը հաստատող փաստաթղթով, ոչ ուշ, քան միջոցառումից 10 րոպե առաջ։

Կիպրոսում հայերեն խոսք կհնչի. Ստեփանյանի թատրոնը հյուրախաղերին կհավաքի «Ռուբիկի խորանարդը»

Ըստ թեմայի

Դիլիջանի համայնքային կենտրոնի թատերական խմբակը` Փարաջանովի անվան փառատոնում
Եկել էին հայերին զարմացնելու, սակայն իրենք ապշած մնացին. թատերական տոն Երևանում
«Կարո Բալյանի բեմադրած ներկայացումը ֆանտաստիկ է». մեկնարկեց Շեքսպիրյան թատերական փառատոնը
թեգերը:
Արայիկ Հարությունյան, Զարուհի Բաթոյան, Կրթության, գիտության, մշակույթի և սպորտի նախարարություն (ԿԳՄՍ), Հայաստան, թոշակառու, Թատրոն

Գլխավոր թեմաներ