18:16 29 սեպտեմբերի 2020
Ուղիղ եթեր
  • USD487.62
  • GBP626.93
  • EUR570.03
  • RUB6.14
Հասարակություն
Ստանալ կարճ հղումը
68 0 0

ՍԴ անդամ Ֆելիքս Թոխյանը չի հերքել, որ հանդիպել է ՍԴ դատավոր Վահե Գրիգորյանի հետ, նրան խորհուրդներ տվել։

ԵՐԵՎԱՆ, 18 փետրվարի – Sputnik. Սահմանադրական դատարանի անդամ Ֆելիքս Թոխյանը լրագրողների հետ ճեպազրույցում հավաստիացրեց, որ ՍԴ-ում ճգնաժամ չկա։

«ՍԴ-ում ո՛չ Վահե Գրիգորյանի եկած ժամանակ, ո՛չ հիմա ոչ մի ճգնաժամ չի եղել և չկա»,- ասաց նա։

Հարցին, թե ինչպես է վերաբերվում նրան, որ ՍԴ դատավոր Վահե Գրիգորյանը աշխատանքի չի հաճախում, բայց աշխատավարձ է ստանում, Թոխյանը արձագանքեց` իրեն հարցրեք։

Արդեն 23 տարի ՍԴ-ում աշխատող Թոխյանը չհերքեց, որ հանդիպել է Վահե Գրիգորյանի հետ, ասաց` նաև խորհուրդներ է տվել, բայց չցանկացավ մանրամասնել, թե ինչ բնույթի։

«Ավագի իրավունքով իմ խորհուրդներն ու հորդորներն եմ ասել Վահե Գրիգորյանին, այդքանը»,- նշեց Թոխյանը։

ԲՀԿ-ն չի մասնակցի սահմանադրական փոփոխությունների հանրաքվեին

Պատասխանելով 2008 թ-ի նախագահական ընտրությունները կեղծելու մեղադրանքների մասին հարցին` Թոխյանը վստահեցրեց, որ այդ ամենը չի համապատասխանում իրականությանը, քանի որ ՍԴ-ն ո՛չ ընտրությունները կազմակերպողն է, ո՛չ էլ դրանց վերահսկողը։

«Այդ ամենը` ՍԴ-ի վերաբերյալ, բացարձակ շահարկում է, որ մենք իբր թե ընտրությունները կեղծել ենք կամ կեղծածները դակել ենք, ես չեմ ընդունում այդ մեղադրանքները, նախ դա օբյեկտիվ ճշմարիտ չէ, երկրորդ` հասցեատերը մենք չենք։ Թե ինչու են մեզ վրա բարդում, քավության նոխազ ուզում սարքել, գնացեք, իրենց հարցրեք։ Ձեզ էլ կարող են Քենեդու սպանության մեջ մեղադրել»,- եզրափակեց դատավորը։

Թոխյանը խոստացավ նաև առանձին ասուլիս հրավիրել և ավելի հանգամանալից պատասխանել 2008 թվականի նախագահական ընտրությունների մասին հարցերին։

Նշենք, որ Հայաստանում այս տարվա ապրիլի 5-ին սահմանադրական բարեփոխումների հանրաքվե կանցկացվի։ Հանրաքվեն, ըստ էության, ՀՀ քաղաքացիներին առաջարկում է պատասխանել այն հարցին` արժե՞ արդյոք դադարեցնել մինչև 2015 թվականի սահմանադրական բարեփոխումները, այսինքն նախկին իշխանության օրոք նշանակված ՍԴ նախագահի և նրա անդամների լիազորությունները։ Այս փոփոխությունները չեն առնչվում ՍԴ գործող 9 դատավորներից միայն երկուսին` Վահե Գրիգորյանին և Արմեն Դիլանյանին։ Մյուս 7-ը, այդ թվում ՍԴ նախագահ Հրայր Թովմասյանը, ՍԴ անդամ են դարձել մայր օրենքի 1995 և 2005 թվականներին խմբագրված դրույթների համաձայն։

Գերխնդիր է հլու–հնազանդ ՍԴ ունենալը. ի՞նչ ենք զոհելու այս ճանապարհին ըստ Հարությունյանի

Հիշեցնենք, որ Վահե Գրիգորյանը ՍԴ անդամ էր ընտրվել 2019 թվականի հունիսի 18-ին։ Գրիգորյանը հունիսի 20-ին ՍԴ դատավորի երդման արարողության ժամանակ հայտարարել էր, որ ՍԴ է գնում դատարանի նախագահի լիազորություններով։

Ըստ թեմայի

Կապ չունի` Սարգսյանի, թե Քոչարյանի աջակիցն է ձևավորելու «Ոչ»–ի շտաբը. Ալեն Սիմոնյան
Շարմազանով. «ՍԴ–ի դեմ գործընթացն ուղիղ ճանապարհ է դեպի դիկտատուրա»
Աննախադեպ քարոզարշավ. «այո» կա, «ոչ» չկա, բոյկոտողներն էլ ինչ ուզեն կքարոզեն
Ռուբեն Մելիքյանը ԿԸՀ ներկայացրեց «Ոչ»–ի ճամբար ստեղծելու փաստաթղթերը
թեգերը:
Վահե Գրիգորյան, Մեղադրանք, Դատավոր, Հայաստան

Գլխավոր թեմաներ