ԵՐԵՎԱՆ, 19 Փետրվար — Sputnik. ՀՀ վարչապետ Նիկոլ Փաշինյանը Գիրք նվիրելու օրը` արդեն երեկոյան, որոշել էր հետաքրքիր անակնկալ մատուցել Երևանի որոշ քաղաքացիների։ Նա գնել էր հայ ժամանակակից գրողների գրքեր, Աջափնյակ թաղամասում պատահական ընտրությամբ բնակարաններ մտնել և նվիրել դրանք։
Գրախանութներից ամենից հաճախ գողանում են Աստվածաշունչը, որտեղ գրված է՝ մի գողացիր
«Իրոք լրիվ պատահական տեղ ենք եկել, որ հընթացս լավ չկողմնորոշվենք` ոչինչ»,–Facebook-ի իր ուղիղ եթերում ասաց նա։
Վարչապետի զանգին ի պատասխան առաջին բնակարանի դուռը բացած զարմացած կնոջը ՀՀ վարչապետն ասաց` ինչու չեք հարցնում ով է, անվտանգությունը չեք պահպանում։ Նա միանգամից 2 գիրք նվիրեց կնոջը` պայմանով, որ մեկը մինչև օրվա վերջ իրենք կնվիրեն մեկ ուրիշի։
Մյուս բնակարանը մարդաշատ էր, երեխաներն ուրախությամբ մոտեցան և ծնողների ապշած հայացքների ներքո բարևեցին ՀՀ վարչապետին։ Այստեղ էլ Փաշինյանը 2 գիրք նվիրեց ու կրկին նույն պայմանով։
Նշենք, որ Փաշինյանն ինքն էլ բնակարաններից մեկում գիրք նվեր ստացավ` արևմտահայ բանաստեղծ Դանիել Վարուժանի ժողովածուներից։
Արայիկ Հարությունյանը խոստովանեց` երբ է վերջին անգամ գիրք կարդացել
Ոմանք ցանկացան հյուրասիրել վարչապետին, վերջինս ասած».«Հարկ չկա, մենք անկոչ հյուր ենք»։
Վերջում Նիկոլ Փաշինյանը խորհուրդ տվեց նվիրել հայ ժամանակակից գրողների գրքերը` ի աջակցություն նրանց, բայց նաև անպայման կարդալ արտասահմանյան գրականություն։
