ԵՐԵՎԱՆ, 20 փետրվարի — Sputnik. Կարինե Շիրինյանը հաղթել է խոհարարության համաշխարհային օլիմպիադայում, որն անցկացվել է փետրվարի 15-19–ը գերմանական Շտուտգարտ քաղաքում։ Այս մասին գրված է Facebook–ի խմբերից մեկում։
«Եկեք շնորհավորենք մեր հայրենակցուհի Կարինե Շիրինյանին։ Նա պատվով ներկայացրեց Հայաստանը` ոսկե մեդալ նվաճելով Շտուտգարտում անցկացված խոհարարության համաշխարհային օլիմպիադայում», – գրված է հաղորդագրության մեջ։
Հեղինակավոր ժյուրիի դատին են ներկայացվել գեղարվեստական կոմպոզիցիաներ` պատրաստված շոկալադե, մաստիկայից, մարցիպանից, պաստիլաժից և աղի խմորից։ Իրենց արվեստում հրուշակագործները տարբեր տեխնիկա են կիրառել։
Տնային տնտեսուհուց մինչև «շեֆ» խոհարար. ինչպես հայուհին նվաճեց Ավստրալիայի խոհանոցը
Խոհարարության համաշխարհային օլիմպիադան կարծես խոհարարաական և հրուշակագործական ոլորտի Օլիմպիական խաղերը լինեն։ Միջոցառումն անցկացվում է չորս տարին մեկ։ Օլիմպիադային ամբողջ աշխարհից մասնակցել է 59 ազգային թիմ։ Անհատական մրցումներին մասնակցել են ավելի քան 2000 հրուշակագործ վարպետներ և շեֆ–խոհարարներ։
Հայկական կերակրատեսակը ճանաչվել է լավագույնը խոհարարական միջազգային մրցույթում. տեսանյութ
Նշենք, որ մեր երկրի ներկայացուցիչները բավական հաճախ են հաղթում տարբեր խոհարարական մրցումներում և հայտնի են իրենց խոհարարական վարպետությամբ։
