14:38 07 ապրիլի 2020
Ուղիղ եթեր
  • USD501.55
  • GBP616.76
  • EUR542.38
  • RUB6.58
Հասարակություն
Ստանալ կարճ հղումը
113 0 0

Տաթևիկ Ռևազյանը չի բացառել, որ Հայաստանը կարող է քննարկել Իրանի հետ ավիահաղորդակցությունը դադարեցնելու հարցը։

ԵՐԵՎԱՆ, 21 փետրվարի — Sputnik. Հայաստանի քաղավիացիայի կոմիտեի նախագահ Տաթևիկ Ռևազյանը Sputnik Արմենիայի հետ զրույցում ասաց, որ Կորոնավիրուսի նոր դեպքերի պատճառով Իրանի հետ ավիահաղորդակցման դադարեցման հարցը դեռ չի քննարկել։

Փետրվարի 21-ին Իրանի առողջապահության նախարարությունը հայտնել էր, որ երկրում կորոնավիրուսով վարակման ևս 13 դեպք է գրանցվել։ Վարակվածների թիվը հասել է 18-ի։

«Նման տվյալներ դեռ չունեմ։ Հասկանալի է, որ հարցը կարող է դիտարկվել, սակայն այդ մասին քննարկումներ դեռ չեն եղել։ Դրա վերաբերյալ դեռ ասելիք չունեմ», – ասաց Ռևազյանը։

Արսեն Թորոսյանն անդրադարձել է Իրանում գրանցված կորոնավիրուսի դեպքերին

ՀՀ առողջապահության նախարար Արսեն Թորոսյանը փետրվարի 21-ին Facebook–ի իր էջում գրել էր, որ իշխանությունները հետևում են ամբողջ աշխարհում, այդ թվում` հարևան Իրանում կորոնավիրուսի բռնկման և տարածման դեպքերին։

Թորոսյանի խոսքով` առողջապահության նախարարությունը հաշվի է առնում Իրանից Հայաստան ուղևորահոսքի առանձնահատկությունը, այդ թվում նաև Նովրուզի ժամանակ, որի ընթացքում իրանցիներից շատերն իրենց արձակուրդը Երևանում են անցկացնում։

««Մեղրի» անցակետում և օդանավակայանում մենք ուժեղացրել ենք վերահսկողությունը Հայաստան այցելող Իրանի քաղաքացիների նկատմամբ։ Կասկածի դեպքում վերահսկողություն է իրականացվում նաև Հայաստանի ամբողջ տարածքում», – ասել էր առողջապահության նախարարը։

Վերջին տվյալներով` Չինաստանում կորոնավիրուսի հետևանքով զոհերի թիվը հասել է 2248-ի, բուժվել է 18858 մարդ։ Կորոնավիրուսի բռնկումն առաջին անգամ գրանցվել էր Չինաստանի Ուհան քաղաքում 2019 թվականի դեկտեմբերին։ Չինաստանից բացի, վարակի դեպքեր են գրանցվել ավելի քան 20 երկրներում։

Ըստ թեմայի

Կորոնավիրուսը հասել է Իրան. ինչպես վարակը կանդրադառնա Հայաստանում զբոսաշրջիկների հոսքի վրա
Կորոնավիրուսից մահացածների և բուժվածների թվերն ավելանում են. նոր տվյալներ
Կորոնավիրուսի պատճառով կսահմանափակեն iPhone–ի մատակարարումն ամբողջ աշխարհով
Կարանտինում գտնվող հայուհուն դուրս են գրել Նուր–Սուլթանի հիվանդանոցից
թեգերը:
Տաթևիկ Ռևազյան, Քաղավիացիայի կոմիտե, Իրանի Իսլամական Հանրապետություն, Հայաստան

Գլխավոր թեմաներ