18:07 08 հուլիսի 2020
Ուղիղ եթեր
  • USD485.74
  • GBP608.34
  • EUR547.57
  • RUB6.82
Հասարակություն
Ստանալ կարճ հղումը
Կորոնավիրուսը Չինաստանում և աշխարհում (808)
1123 0 0

Վարակի տարածումը կանխելու նպատակով մահմեդականների սրբավայրեր տանող ճանապարհներն այս տարի Իրանի քաղաքացիների համար փակ կլինեն։

ԵՐԵՎԱՆ, 22 փետրվարի — Sputnik. Իրանում կորոնավիրուսով վարակվելու ևս 10 նոր դեպք է գրանցվել։ Այսպիսով մի քանի օրվա ընթացքում վարակի ընդհանուր դեպքերի թիվն այդ երկրում հասել է 28-ի։ Ինչպես հայտնում է ՌԻԱ Նովոստին` Իրանի առողջապահության նախարարությանը հղում անելով`10 նոր դեպքերը գրանցվել են վերջին 1 օրվա ընթացքում։

«Վարակվածներից 8-ը Կում քաղաքում են, 2-ը` Թեհրանում։ Այսպիսով վարակվածների թիվն առ այսօր հասել է 28-ի։ Ցավոք, մինչ օրս մահացել է 5 մարդ»,– ասված է հաղորդագրության մեջ։

Ի դեպ, անվտանգության նկատառումներից ելնելով` այս տարի արգելվել են Իրանի տարածքից Իրաք ուխտագնացությունները։ Մահմեդականների սրբավայրեր տանող ժանապարհներն այս տարի փակ կլինեն Իրանի քաղաքացիների համար։

Հիշեցնենք`Իրանում վարակի տարածման վերաբերյալ երեկ հայտարարությամբ էր հանդես եկել այդ երկրում ՀՀ դեսպանատունը։ Հաշվի առնելով վարակի հնարավոր տարածման վտանգը` դեսպանատունը հորդորել էր ԻԻՀ տարածքում գտնվող հայաստանցիներին կապ հաստատել ՀՀ դեսպանության հետ և տեղեկություն հայտնել իրենց գտնվելու վայրի վերաբերյալ:

Արսեն Թորոսյանն անդրադարձել է Իրանում գրանցված կորոնավիրուսի դեպքերին

ՀՀ առողջապահության նախարարությունը հայտարարել էր, որ ուժեղացվել են Իրանի հետ սահմանի Մեղրիի սահմանային անցակետով անցնող, ինչպես նաև Իրանից օդանավով Հայաստան ժամանող ուղևորների հսկողությունը: Կասկածելի բոլոր դեպքերում կատարվում է նաև հսկողություն Հայաստանի ամբողջ տարածքում:

ՀՀ–ում մինչ օրս կորոնավիրուսով վարակի դեպք չի գրանցվել:

Իսկ չինացի բժիշկներն այդ ընթացքում աշխարհին մեկ այլ ահազանգ են հնչեցրել. վարակը կարող է կրկնվել նաև արդեն հիվանդացած ու բուժված մարդկանց մոտ։

Չինաստանի Սուչան նահանգում գրանցվել է կորոնավիրուսով կրկնակի վարակվելու առաջին դեպքը։ Ինչպես հայտնում է Beijing News Express–ը, հիվանդ քաղաքացին հունվարի սկզբում դուրս էր գրվել հիվանդանոցից։ Դրանից հետո գտնվել է կարանտինի մեջ, տնից դուրս չի եկել։ Բայց դարձյալ հիվանդացել է նույն վարակով։

Կորոնավիրուսը հասել է Իրան. ինչպես վարակը կանդրադառնա Հայաստանում զբոսաշրջիկների հոսքի վրա

թեմա:
Կորոնավիրուսը Չինաստանում և աշխարհում (808)

Ըստ թեմայի

Կորոնավիրուսն առարկաների վրա կարող է ապրել ավելի երկար, քան ենթադրվում էր․ հետազոտություն
Մոլորակի բնակչության 66%–ը կարող է կորոնավիրուսով վարակվել. ԱՀԿ փորձագետ
Մեղրիի անցակետում հսկողությունը կուժեղացվի. Իրանում կորոնավիրուսով վարակվածները 5-ն են
Չինաստանում կորոնավիրուսից մահացածների թիվը հատել է 2000–ի սահմանը
թեգերը:
վարակ, կորոնավիրուս, վիրուս, Չինաստան, Իրանի Իսլամական Հանրապետություն, Հայաստան

Գլխավոր թեմաներ