22:16 20 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Հասարակություն
Ստանալ կարճ հղումը
Կորոնավիրուսը աշխարհում (896)
20410

Նշվում է, որ կորոնավիրուսի դեմ պայքարի ուղղությամբ ձեռնարկված միջոցառումները շարունակվում են:

ԵՐԵՎԱՆ, 25 փետրվարի – Sputnik. Հայաստանում նոր կորոնավիրուսի դեմ պայքարի աշխատանքները շարունակվում են և փետրվարի 25-ի, ժամը 13:00-ի դրությամբ մեր երկրում նշված վարակի հաստատված դեպք չկա: Տեղեկությունը հայտնում է ՀՀ առողջապահության նախարարության մամուլի ծառայությունը։

«Կորոնավիրուսի դեմ պայքարի ուղղությամբ ձեռնարկված միջոցառումները շարունակվում են: Նախարարությունը ձեռք է բերել ախտորոշիչ թեստերի նոր խմբաքանակ և այսօր ախտորոշման առումով երկիրը որևէ խնդիր չունի»,- նշված է նախարարության հաղորդագրության մեջ:

Ձեռնարկվել են միջոցառումներ` նաև դիմակներ և ախտահանիչ նյութեր ձեռք բերելու ուղղությամբ, չնայած այն հանգամանքին, որ հանրապետության բոլոր բժշկական հաստատություններում դրանք առկա են:

Կորոնավիրուսի դեմ պատվաստանյութ է հայտնաբերվել. ՌԴ-ում Չինաստանի դեսպան

Առողջապահության նախարարությունը միաժամանակ հորդորում է.միջազգային ուղևորություններ ծրագրելիս՝ հաշվի առնել տվյալ երկրի համաճարակային իրավիճակը, խուսափե´լ շնչառական վարակներով հիվանդների հետ շփումից, անհնարինության դեպքում` օգտագործե´լ անհատական պաշտպանիչ միջոցներ (դիմակներ), տուն մտնելուց հետո և սնունդ ընդունելուց առաջ ձեռքերը լվանալ, գրիպանման երևույթների առկայության դեպքում, չզբաղվել ինքնաբուժմամբ, դիմե´լ բժշկի` նշելով վերջին 14 օրվա ընթացքում ունեցած ճանապարհորդության մասին:

Նշենք, որ փետրվարի 25-ի, ժամը 13:00-ի դրությամբ Իրանի Իսլամական Հանրապետությունում արձանագրվել է 61 դեպք, որից 15-ը՝ մահվան ելքով:

Չինաստանի Առողջապահության պետական ​​հանձնաժողովի ամենօրյա զեկույցի համաձայն՝ փետրվարի 25-ի, ժամը 13:00-ի դրությամբ կորոնավիրուսային հիվանդության (COVID-19) հաստատված դեպքերի թիվը կազմել է 77782, կասկածելի դեպքերի թիվը՝ 2824, հաստատված դեպքերից առողջացածների թիվը՝ 27554, գրանցվել է 2666 մահ: Այս պահի դրությամբ ծանր վիճակում է գտնվում 9126 պացիենտ:

Հայաստանը բոլոր միջոցները ձեռնարկում է կորոնավիրուսի դեմ պայքարելու համար. փորձագետ

Առողջապահության համաշխարհային կազմակերպության տվյալների համաձայն՝ ընդհանուր առմամբ, աշխարհում փետրվարի 24-ի դրությամբ արձանագրվել է 79331 լաբորատոր հաստատված դեպք, որից Չինաստանում՝ 77262, 2595-ը՝ մահվան ելքով: Չինաստանից դուրս աշխարհի 29 երկրում արձանագրվել է 2069 դեպք, որից 23-ը մահվան ելքով:

թեմա:
Կորոնավիրուսը աշխարհում (896)

Ըստ թեմայի

Բժշկական դիմակները թանկացե՞լ են. հանձնաժողովը դեղատներ է մտել
Երբ կբացվի Երևանի կրկեսը, և ինչ կապ ունի դրա հետ կորոնավիրուսը
Իրանում Հայաստանի դեսպանություն է դիմել ՀՀ 35 քաղաքացի
Կորոնավիրուսը համաշխարհային համավարակի վերածվելու հեռանկար ունի. ԱՀԿ
թեգերը:
ՀՀ Առողջապահության նախարարություն, Չինաստան, կորոնավիրուս, Հայաստան

Գլխավոր թեմաներ