03:37 08 հուլիսի 2020
Ուղիղ եթեր
  • USD485.12
  • GBP605.43
  • EUR546.92
  • RUB6.72
Հասարակություն
Ստանալ կարճ հղումը
812 0 0

ՁԻԱՀ–ի կենտրոնի տնօրենի նոր պաշտոնակատարին աշխատակազմին ներկայացնելու համար բուժհիմնարկ է այցելել առողջապահության փոխնախարար Արտյոմ Սմբատյանը։ Կենտրոնի մասնագետները փոխնախարարին հայտնել են իրենց անհամաձայնությունն ու լքել դահլիճը։

ԵՐԵՎԱՆ, 26 փետրվարի — Sputnik. Առողջապահության նախարարի մամուլի քարտուղար Ալինա Նիկողոսյանը հայտնում է, որ ՀՀ առողջապահության նախարարի հրամանով ՁԻԱՀ-ի կանխարգելման հանրապետական կենտրոնի տնօրենը փոխվել է։

Ըստ նրա` կենտրոնի տնօրեն Սամվել Գրիգորյանի հետ աշխատանքային պայմանագիրը դադարեցվել է`աշխատանքային պարտականությունները ոչ պատշաճ իրականացնելու հիմքով:

Նախարարի մեկ այլ հրամանով կենտրոնի ժամանակավոր պաշտոնակատար է նշանակվել Արթուր Բերբերյանը:

Ըստ հրամանի` նոր ժամանակավոր տնօրենը զբաղվելու է ՁԻԱՀ-ի կանխարգելման հանրապետական կենտրոնը Նորքի ինֆեկցիոն հիվանդանոցին միացնելու մասին կառավարության որոշման պահանջների կատարմամբ:

Կենտրոնի համաճարակաբանական բաժնի պետ Արշակ Պապոյանը Sputnik Արմենիային հայտնեց, որ ՁԻԱՀ–ի կենտրոնի աշխատակազմը ո՛չ նոր ղեկավարին, ոչ էլ նախարարի որոշումը չի ընդունում։

Начальник отделения эпидемиологии Республиканского центра по профилактике СПИД-а Аршак Папоян
© Sputnik / Asatur Yesayants.
Արշակ Պապոյան, Կենտրոնի համաճարակաբանական բաժնի պետ

Նա նշեց, որ տնօրենի նոր պաշտոնակատարին ՁԻԱՀ–ի կենտրոնի աշխատակազմին ներկայացնելու համար նրա հետ այսօր բուժհիմնարկ է այցելել առողջապահության փոխնախարար Արտյոմ Սմբատյանը։ Կենտրոնի մասնագետները փոխնախարարին հայտնել են իրենց անհամաձայնությունն ու դուրս եկել դահլիճից։

«Մենք մեր անհամաձայնությունը հայտնել ենք, որովհետև դա ընդունում ենք, որպես ճնշում` լռեցնելու կառավարության այդ որոշման դեմ մեր անհամաձայնությունը, որպեսզի մենք ձայն չհանենք»,– ասաց Պապոյանը։

Պայքար ՁԻԱՀ–ի դեմ. ո՞ր մարզում է իրավիճակն առավել ողբալի

ՁԻԱՀ–ի կենտրոնում նախարարի այս որոշումը նաև անօրինական են համարում, քանի որ ըստ նրանց, այն հակասում է ՀՀ աշխատանքային օրենսգրքին, որի 114-րդ հոդվածի 1-ին կետի 1–ին ենթակետը նշում է` աշխատանքային պայմանագրի լուծումը գործատուի նախաձեռնությամբ արգելվում է։

«Մենք համարում ենք, որ այդ հրամանն օրենքից դուրս է, ու չենք պատրաստվում այն ինչ–որ կերպ կատարել»,– նշեց Պապոյանը։

Նորանշանակ ժամանակավոր պաշտոնակատարն, ի դեպ, փոխնախարարի հեռանալուց հետո մնացել է կենտրոնում։ Նա, մեր զրուցակցի խոսքով, այս պահին էլ այնտեղ է, բայց հիվանդանոցի աշխատակիցները բոյկոտում են ու չեն ընդունում նրան որպես ղեկավար։

Հիշեցնենք` ՁԻԱՀ-ի կանխարգելման հանրապետական կենտրոնը «Նորք» ինֆեկցիոն կլինիկական հիվանդանոցին միացնելու որոշումը ՀՀ կառավարությունն ընդունել էր 2020թ–ի հունվարի 30-ին։

Թե իրականում ինչ փոփոխություններ են սպասվում երկու բուժհիմնարկների կյանքում, պարզ կլինի միայն 2 ամսից, քանի որ միավորման գործընթացը պաշտոնապես կգրանցվի միայն մարտի 30-ից հետո։

Ստեղծվող նոր ընկերությունում կձևավորվի նոր գործադիր մարմին, վերստուգող հանձնաժողով, կմշակվի նոր կանոնադրություն։ Պետությունը նորաստեղծ ընկերությունը կգրանցի եռամսյա ժամկետում։

Բոլոր վարակները մի տեղում. ինչ կլինի «Նորքի ինֆեկցիոնում»

ՁԻԱՀ-ի կանխարգելման հանրապետական կենտրոնում, սակայն, այս որոշումը չեն ընդունում` պնդելով, որ այն կխաթարի այն ամենը, ինչը ստեղծվել է տարիների աշխատանքով։

Կենտրոնի աշխատակիցները նշում են նաև, որ որոշումը կայացվել է միանձնյա և ընդունելուց առաջ այն մասնագիտական քննարկման չի դրվել։

Ըստ թեմայի

Ապրել բորբոսնած սենյակը կորցնելու վախով և շփվելու երազանքով. ՄԻԱՎ-ով կնոջ ցավը
«Մանկաբարձն ասաց` ինձ նմաններին վառել է պետք». ինչպես են կանայք ՄԻԱՎ–ով ապրում Հայաստանում
Տղամարդը մեղադրել է երևանյան հիվանդանոցներից մեկի բժիշկներին եղբոր դստեր մահվան մեջ
թեգերը:
փոխնախարար, ՁԻԱՀ, Հայաստան

Գլխավոր թեմաներ