09:53 10 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58
Հասարակություն
Ստանալ կարճ հղումը
816 0 0

Հայտնի դիմահարդարը հատուկ միջոցառում է կազմակերպել` երեխայի սեռը հարազատներին ու մտերիմներին հայտնելու համար։

ԵՐԵՎԱՆ, 9 մարտի – Sputnik. Հանրահայտ դիմահարդար Գոհար Ավետիսյանը տղա է ունենալու։ Նա երեխայի սեռը «բացահայտող» միջոցառում է կազմակերպել և տեսանյութ հրապարակել Instagaram–ի իր էջում։

Տեսանյութում երևում է, թե ինչպես է Գոհարն իր ապագա երեխայի հոր հետ կանգնել երկնագույն և վարդագույն փուչիկների առաջ, որոնց վերևում ևս մի մեծ սև փուչիկ կա։ Սկզբում նա պայթեցնում է սև փուչիկը, որի վրա գրված է` տղա՞, թե՞ աղջիկ, իսկ հետո սկսում է պայթեցնել վարդագույնները` թողնելով միայն երկնագույնները։

«Հիմա ես ավելի շատ եմ սպասում քեզ հետ հանդիպմանը, իմ սեր»,– տեսանյութին կից գրել է նա։

Посмотреть эту публикацию в Instagram

Публикация от Goar Avetisyan (@goar_avetisyan)

Օգտատերերն արձագանքել են գրառմանն ու բարեմաղթանքներ հղել Գոհարին։ Ոմանց ուշադրությունից չի վրիպել նաև նրա նոր ընտրյալի պահվածքը:

«Ինչո՞ւ նա գնաց։ Ինչո՞ւ նա ձեզ չգրկեց։ Նախկինի դեպքում ամեն ինչ ավելի վառ էր և ուրախ»,– գրել է մեկը։ Գոհարը պատասխանել է նրան. «Ձեր կարծիքը ձեզ պահեք։ Ոչ բոլորն են սիրում «խաղալ» տեսախցիկի առաջ»։

Հիշեցնենք` ռուսաստանաբնակ դիմահարդարն իր հղիության մասին հայտնել էր փետրվարի 1-ին` Instagram-ի իր էջում խորհրդանշական լուսանկար հրապարակելով։

«Գրողը տանի, ախր նոր–նոր էի նիհարել». Գոհար Ավետիսյանը խոսել է հղիության մասին

Հիշեցնենք, որ տևական ժամանակ առաջին ամուսնալուծության վերաբերյալ լուրերին ոչ մի կերպ չարձագանքող Գոհարը 2019-ի հունվարին խոստովանեց, որ 2 ամիս է` բաժանվել է ամուսնուց՝ Վահիկ Մարտիրոսյանից։

Ամուսնալուծությունից հետո Գոհարն անճանաչելիորեն փոխվեց։ Նա սկսեց նիհարել և հետևել առողջ ապրելակերպի կանոններին։ Երկրպագուները սկսեցին կատակել, որ ամուսնալուծությունը շատ դրական է անդրադարձել դիմահարդարի արտաքին տեսքի վրա։

Գոհար Ավետիսյանը Ռուսաստանում ամենահայտնի «բյութի» բլոգերն է։ Հիմա նա Instagram-ում ավելի քան հինգ միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։

Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ

Ըստ թեմայի

Դիմահարդարման գուրուն այլևս չի՞ ամուսնանա. Գոհար Ավետիսյանի ապշեցնող խոստովանությունը
Գոհար Ավետիսյանին այնպես են դիմավորել ԱՄՆ–ում, որ նա արտասվել է. տեսանյութ
«Ես քեզ կդարձնեմ ուժեղ». Գոհար Ավետիսյանը հերթական անգամ զարմացրել է երկրպագուներին
թեգերը:
տեսանյութ, ամուսին, երեխա, Գոհար Ավետիսյան

Գլխավոր թեմաներ