11:33 13 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Հասարակություն
Ստանալ կարճ հղումը
40 0 0

Եղվարդի ծննդատունը կվերանորոգվի, և արդեն այս տարվա սեպտեմբերից նորածինները լույս աշխարհ կգան նոր սարքավորումներով հագեցած ծննդատանը:

ԵՐԵՎԱՆ, 10 մարտի — Sputnik. Եղվարդի ծննդատանն այս տարի արդեն 20-ից ավել ծնունդ է գրանցվել, ծննդատունը շարունակում է իր աշխատանքը: Լրագրողների հետ հանդիպման ժամանակ այս տեղեկությունը հայտնեց Կոտայքի մարզպետ Ռոմանոս Պետրոսյանը՝ անդրադառնալով ծննդատան փակման լուրերին:

Հիշեցնենք, որ ՀՀ առողջապահության նախարարությունը փոփոխություններ է նախատեսել ծննդատների աշխատանքում և որոշել է տարեկան 150–ից պակաս ծնունդ ընդունող ծննդատները փակել։ Նախարարությունն այս տարի չի ֆինանսավորել Մարալիկի, Աչաջուրի, Արտենիի, Ծաղկահովիտի, Արծվաբերդի, Քաջարանի և Եղվարդի ծննդատներին։

«Եղվարդի ծննդատունը հիմնովին կվերանորոգվի և կվերազինվի նոր սարքավորումներով: Չափագրման աշխատանքներն ավարտվել են, երկու շաբաթվա ընթացքում նախագծման աշխատանքներն էլ կավարտվեն: «Երևան» նախագիծն է աշխատանքներն իրականացնում՝ որակյալ աշխատանք է տարվելու»,-ասաց Պետրոսյանը:

Նրա խոսքով՝ ծննդատան վերանորոգման աշխատանքների ստվար մասը կֆինանսավորի մարզպետարանը՝ սեփական խնայողության հաշվին, սակայն սփյուռքում ապրող հայերը նույնպես իրենց մասնակցությունը կունենան:

Կորոնավիրուսը «չհաղթեց» Ծաղկաձորին. ինչ իրավիճակ է զբոսաշրջային կենտրոնում

Մարզպետը նշեց, որ նախատեսում են մարտի վերջին արդեն իսկ սկսել վերանորոգման աշխատանքները, որոնք կավարտվեն ամառվա կեսին:

Պետրոսյանը վստահեցրեց՝  վերանորոգման և վերազինման աշխատանքներին զուգահեռ ծննդատունը կշարունակի իր աշխատանքը, քանի որ առանձին հարկաբաժնից են սկսելու աշխատանքները:

Ռոմանոս Պետրոսյանը կլքի՞ պաշտոնը. մարզպետը խոսել է շրջանառվող լուրերի մասին

Հիշեցնենք, որ մի շարք ծննդատների՝ այդ թվում Եղվարդի ծննդատան աշխատակիցները բողոքի ակցիաներ էին իրականացնում դրանց փակման որոշման դեմ։ Եղվարդի ծննդատունը 2019 թվականին ունեցել է 136 ծնունդ, մինչդեռ առողջապահության նախարարը հրահանգել է փակել 150–ից պակաս ծնունդ ընդունած ծննդատները։

Ըստ թեմայի

Երեխաներին այսօր էլ են թողնում ծննդատանը. ինչպես կանխել նոր ողբերգությունները
Եթե Հայաստանում որևէ մեկը ծնողին ստիպի հրաժարվել երեխայից, խիստ կպատժվի
Ռազմիկ Աբրահամյանին նոր մեղադրանք է առաջադրվել
թեգերը:
նորածին, Ռոմանոս Պետրոսյան, ծննդատուն, Եղվարդ

Գլխավոր թեմաներ