06:50 24 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Հասարակություն
Ստանալ կարճ հղումը
10710

Արգելքը սահմանվում է բոլոր այն քաղաքացիների համար, որոնք վերջին 14 օրում եղել են Շենգենյան գոտու երկրներում։

ԵՐԵՎԱՆ, 12 մարտի – Sputnik. Մարտի 13-ից Միացյալ Նահանգները 30 օր ժամկետով կասեցնում է Շենգենյան գոտու երկրներից Միացյալ Նահանգներ օտարերկրյա քաղաքացիների մուտքը: Միացյալ Նահանգներ մուտք չեն կարող գործել օտարերկրյա այն քաղաքացիները, որոնք նախորդած 14 օրերի ընթացքում որևէ ժամանակով եղել են Շենգենյան գոտու երկրներից մեկում: Տեղեկությունը հայտնում է Հայաստանում ԱՄՆ դեսպանությունը։

«Ըստ ԱՄՆ նախագահի Դոնալդ Թրամփի հռչակագրի` մուտքի սահմանափակումից ազատվում են որոշ կատեգորիաների օտարերկրացիներ, մասնավորապես` ԱՄՆ մշտական բնակության իրավունք ունեցողները, ԱՄՆ քաղաքացու ընտանիքի անդամը (կին, ամուսին, անչափաս երեխա, քույր/եղբայր, եթե երկուսն էլ մինչև քսանմեկ տարեկան անձինք են, ԱՄՆ քաղաքացի հանդիսացող անչափահաս երեխայի ծնող), A-1, A-2, C-2, C-3, E-1, G-1, G-2, G-3, G-4, NATO 1-4, NATO-6 կատեգորիայի վիզայով ճամփորդող օտարերկրյա կառավարության ներկայացուցիչները և նրանց անմիջական ընտանիքի անդամները: Մանրամասների համար վերջիններս պետք է կապ հաստատեն իրենց երկրում ԱՄՆ դեսպանության, ինչպես նաև ավիափոխադրող ընկերության հետ»,– նշված է հայտարարության մեջ:

Ավելի վաղ հայտնել էինք, որ Թրամփը կորոնավիրուսի թեմայով դիմել է մարդկանց ու արգելք սահմանել Եվրոպայի համար։

Կորոնավիրուսի տարածումը կանխելու նպատակով ԱՄՆ 24 նահանգներում և Վաշինգտոնում արտակարգ դրություն է հայտարարվել։

Վերջին տվյալներով` ԱՄՆ–ում COVID-19–ով վարակվելու 1237 դեպք է գրանցվել, 37 մարդ մահացել է։

Թոմ Հենքսն ու նրա կինը վարակվել են կորոնավիրուսով. դերասանն ասել է` որտեղ են վարակվել

 

Հիշեցնենք` երեկ ՀՀ վարչապետ Նիկոլ Փաշինյանը հայտարարեց, որ Հայաստանում կորոնավիրուսի երեք նոր դեպք է բացահայտվել։ Երկուսը ՀՀ քաղաքացի են, (45 և 27 տարեկան) մեկը՝ Իտալիայի (51 տարեկան), որն աշխատում Է Հայաստանում։ Երեքն էլ ժամանել են Իտալիայից:

Ավելի ուշ առողջապահության նախարար Արսեն Թորոսյանը Facebook–յան ուղիղ եթերում վստահեցրեց, որ Հայաստանում կորոնավիրուսի լոկալ տարածում չկա, նոր հայտնաբերված 3 պացիենտների դեպքում վարակը ձեռքբերովի է, իրավիճակը մնում է կառավարելի։

Հայաստանում կորոնավիրուսով վարակվելու առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ է: Նա Իրանից Հայաստան է ժամանել փետրվարի 28-ին:Ավելի ուշ հայտնի դարձավ, որ 31 հոգու մեկուսացրել են Ծաղկաձորի «Գոլդեն փելես» հյուրանոցում։ Նրանք բոլորը կորոնավիրուսով վարակված տղամարդու հետ ինքնաթիռում շփված քաղաքացիներ են:

Ըստ թեմայի

Իտալիայից ժամանածները բողոքում են, որ «Զվարթնոցում» ամենախիստ հսկողությունն է իրականացվում
Google ընկերությունը կորոնավիրուսի պատճառով խորհուրդ է տվել իր աշխատակիցներին տնից աշխատել
Վրաստանում 12 տարեկան երեխա է վարակվել կորոնավիրուսով
թեգերը:
կորոնավիրուս, դեսպանատուն, ԱՄՆ

Գլխավոր թեմաներ