20:36 27 հունվարի 2021
Ուղիղ եթեր
  • USD518.16
  • GBP711.59
  • EUR628.06
  • RUB6.89
Հասարակություն
Ստանալ կարճ հղումը
Կորոնավիրուսը աշխարհում (976)
26010

ՀՀ առողջապահության նախարար Արսեն Թորոսյանը կորոնավիրուսի նոր դեպքերի վերաբերյալ մանրամասներ հայտնեց կառավարությունում։

ԵՐԵՎԱՆ, 12 մարտի – Sputnik. Կառավարության նիստի մեկնարկից առաջ ՀՀ առողջապահության նախարար Արսեն Թորոսյանը հայտնեց, որ կորոնավիրուսով վարակված երեք անձանց հետ շփված անձանցից 10–ը մեկուսացվել են Ծաղկաձորում` «Գոլդեն փելես» հյուրանոցում, սակայն  հնարավոր է` օրվա ընթացքում էլի մեկուսացումներ լինեն հատուկ պահման վայրում։

«Այս պահին ունենք կորոնավիրուսով վարակման հաստատված 4 դեպք։ Երեքն այս պահին ախտանիշներ չունեն, չնայած դիմելու պահին ունեցել են գանգատներ։ Նրանցից մեկն ունի թոքաբորբ և գանգատներ»,–ասաց նախարարը։

Նրա խոսքով` երեք պացիենտներն էլ ժամանել են Իտալիայից, ժամանման պահին գանգատներ չեն ունեցել, սակայն գանգատներ ի հայտ գալուն պես հոսպիտալացվել են։

Թորոսյանը հայտնեց` վարակվածների հետ շփված անձինք նաև տներում են մեկուսանում։

ՀՀ փոխվարչապետ Տիգրան Ավինյանն էլ հայտնեց, որ կիրակի Հռոմից Երևան թռիչք կլինի, և ՀՀ քաղաքացիները կարող են հայրենիք վերադառնալ։

Հիշեցնենք` երեկ ՀՀ վարչապետ Նիկոլ Փաշինյանը հայտարարեց, որ Հայաստանում կորոնավիրուսի երեք նոր դեպք է բացահայտվել։ Երկուսը ՀՀ քաղաքացի են, (45 և 27 տարեկան) մեկը՝ Իտալիայի (51 տարեկան), որն աշխատում Է Հայաստանում։ Երեքն էլ ժամանել են Իտալիայից:

Ավելի ուշ առողջապահության նախարար Արսեն Թորոսյանը Facebook–յան ուղիղ եթերում վստահեցրեց, որ Հայաստանում կորոնավիրուսի լոկալ տարածում չկա, նոր հայտնաբերված 3 պացիենտների դեպքում վարակը ձեռքբերովի է, իրավիճակը մնում է կառավարելի։

Հայաստանում կորոնավիրուսով վարակվելու առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ է: Նա Իրանից Հայաստան է ժամանել փետրվարի 28-ին:Ավելի ուշ հայտնի դարձավ, որ 31 հոգու մեկուսացրել են Ծաղկաձորի «Գոլդեն փելես» հյուրանոցում։ Նրանք բոլորը կորոնավիրուսով վարակված տղամարդու հետ ինքնաթիռում շփված քաղաքացիներ են:

 

թեմա:
Կորոնավիրուսը աշխարհում (976)

Ըստ թեմայի

«Հռոմը կարծես մեռել է». Իտալիայում գտնվող հայը պատմել է այնտեղ տիրող իրավիճակի մասին
Թրամփը կորոնավիրուսի թեմայով դիմել է մարդկանց ու արգելք սահմանել Եվրոպայի համար
Թոմ Հենքսն ու նրա կինը վարակվել են կորոնավիրուսով. դերասանն ասել է` որտեղ են վարակվել
թեգերը:
«Գոլդեն փելես» հյուրանոց, Արսեն Թորոսյան, կորոնավիրուս, Հայաստան

Գլխավոր թեմաներ