10:37 27 մայիսի 2020
Ուղիղ եթեր
  • USD483.82
  • GBP595.63
  • EUR530.41
  • RUB6.81
Հասարակություն
Ստանալ կարճ հղումը
902 0 0

ԲՀԿ առաջնորդի էջի հետևորդները և՛ զարմացել, և՛ հիացել են Ծառուկյանի հրապարակած լուսանկարներով։

ԵՐԵՎԱՆ, 13 մարտի — Sputnik. ԲՀԿ առաջնորդ Գագիկ Ծառուկյանն իր հետևորդներին ապշեցրել է` facebook-յան իր էջում հրապարակելով զվարճալի լուսանկարներ։ Լուսանկարներում երևում է, թե ինչպես է Ծառուկյանը կաթի շշով կերակրում առյուծի փոքրիկ սպիտակ ձագին։

«Ցանկացած կենդանի խնամելը պահանջում է ամենօրյա մեծ ուշադրություն և պատասխանատվության մեծ զգացում»,–գրել է Ծառուկյանը։

Քաղաքական գործչի լուսանկարը բազմաթիվ հիացական մեկնաբանությունների է արժանացել։ Այն առաջինը մեկնաբանել է ԱԺ պատգամավոր Նաիրա Զոհրաբյանը։

«Հրաշք»,–գրել է նա։

Ծառուկյանի էջի մյուս հետևորդներն էլ մի շարք դրական մեկնաբանություններ են թողել։

«Կյանքի կտոր»,«բարի մարդ», «հոգատար մարդն իր լավ վերաբերմունքը դրսևորում է նաև կենդանիների նկատմամբ»,–գրել են նրանք։

Առհասարակ, Գագիկ Ծառուկյանին «պատկանող» կենդանիների թվաքանակի և տեսականու մասին վաղուց են տարբեր տեղեկություններ են պտտվում։

Ըստ մամուլում տեղ գտած տեղեկության` 2015-2019 թվականների ընթացքում Գագիկ Ծառուկյանին տրամադրվել է ՀՀ տարածքից Բելառուսի Հանրապետություն վերաարտահանման թույլտվություն՝ 4 առանձնյակ հովազ լեո (Panthera leo) տեսակի առյուծի համար:

Ծառուկյանը չի վստահում տնտեսական հեղափոխությանը. ինչու

Գագիկ Ծառուկյանի առանձնատանը, որտեղ պահվում են տարատեսակ կենդանիներ (դրանց տեսակային և քանակային կազմն անհայտ է) վերջերս արտառոց և վտանգավոր միջադեպ էր տեղի ունեցել: Պատգամավորի կողմից պահվող գիշատիչներին հաջողվել էր դուրս գալ վանդակներից՝ ստանալով ժամանակավոր ազատություն: Բարեբախտաբար միջադեպը դրական ավարտ էր ունեցել. չեն վնասվել ո՛չ մարդիկ, ո՛չ կենդանիները: Օգնության հասած մասնագետներին հաջողվել է կենդանիներին վանդակ վերադարձնել:

Ըստ թեմայի

Ընտանիքը սրբություն է, չպետք է մտնել այնտեղ. Ծառուկյանը` Թովմասյանի դստեր պատմության մասին
Ինչու էր Ծառուկյանը ԱԺ գնացել, եթե խորհրդարանում նիստ չկար. «Հրապարակ»
«Արտառոց ոչինչ չենք տեսնում». Տոնոյանը` Ծառուկյանի ընկերություններում ստուգումների մասին
թեգերը:
Facebook, առյուծ, Լուսանկար, Գագիկ Ծառուկյան

Գլխավոր թեմաներ