07:35 04 հունիսի 2020
Ուղիղ եթեր
  • USD482.38
  • GBP607.22
  • EUR540.89
  • RUB7.05
Հասարակություն
Ստանալ կարճ հղումը
Կորոնավիրուսը Չինաստանում և աշխարհում (723)
694 0 0

Շիրակի մարզպետը խոսել է «կորոնավիրուսով վարակված երեխայի», չինացի ճանապարհաշինարարների ու մարզում իրականացվող նախապատրաստական աշխատանքների մասին։

ԵՐԵՎԱՆ, 13 մարտի – Sputnik. Շիրակի մարզպետ Տիգրան Պետրոսյանը վստահեցնում է, որ մարզում այս պահին խուճապ ու կորոնավիրուսի դեպքեր չկան, վերջին օրերին ուշադրության կենտրոնում հայտնված դեպքերը, այդ թվում` մանկահասակ երեխայի առողջական վիճակի հետ կապված, բացառվել են։

Օրերս սոցցանցերում լուրեր էին տարածվել, որ հինգերորդ դասարանի մի երեխա պառկած է եղել Գյումրու ինֆեկցիոն հիվանդանոցում, հետո տեղափոխվել է Երևան` կորոնավիրուսի թեստ անցնելու։

«Այդ երեխան, որի մասին խոսվել է, մի քանի շաբաթ ունեցել է ախտանիշներ, և բժշկական հիմնավորումները չգտնելու պատճառով որոշվել էր նաև կորոնավիրուսի թեստավորում անցնել, արդյունքը եղել է բացասական: Երեխայի հետ կապված եղել է հստակ ինֆեկցիոն հիվանդություն, բայց ոչ կորնոնավիրուս»,- լրագրողների հետ ճեպազրույցի ժամանակ նշեց Պետրոսյանը:

Դեղատներում, ճիշտ է, որոշ ապրանքատեսակների պակաս կա (ախտահանիչ նյութեր, բժշկական դիմակներ), բայց այս պահին խնդիրը համընդհանուր է:

«Մեզ համար շատ կարևոր է ամեն ինչ անել կանխարգելիչ աշխատանքներում բացթողումներ չունենալու համար, պետք է համագործակցեն պատասխանատու բոլոր կազմակերպությունները, կարևոր է հստակեցնել անհրաժեշտ տեղեկատվությունը, լինել պատրաստ, աշխատանքներում օպերատիվ»,- ասաց մարզպետը։

Նա խոսեց նաև ժամանակավորապես Մարալիկում բնակվող չինացի ճանապարհաշինարարների մասին` վստահեցնելով, որ նրանք ևս առողջական խնդիրներ չունեն:

Շիրակի մարզպետի խոսքով` արվում է ամեն ինչ հիվանդանոցներն ու առաջնային բժշկական օղակները պատրաստ պահելու համար, իսկ անհրաժեշտության դեպքում անմիջապես աշխատանքի կանցնի արագ արձագանքման շտաբը:

Հանձնարարական է տրվել տրանսպորտային կազմակերպություններին իրականացնել տրանսպորտային միջոցների ախտահանում, այս ընթացքում Բավրայի անցակետում ու «Շիրակ» օդանավակայանում կշարունակվի գործել հսկողության նույն ռեժիմը:

Հիշեցնենք` Հայաստանում կորոնավիրուսով վարակվելու առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ է: Նա Իրանից Հայաստան էր ժամանել փետրվարի 28-ին:

Մարտի 11-ին ՀՀ վարչապետ Նիկոլ Փաշինյանը հայտարարեց, որ Հայաստանում կորոնավիրուսի երեք նոր դեպք է բացահայտվել։ Երկուսը ՀՀ քաղաքացի են (45 և 27 տարեկան), մեկը՝ Իտալիայի (51 տարեկան)։

Մարտի 12-ի երեկոյան ՀՀ վարչապետն ու առողջապահության նախարարը հայտարարեցին ևս 2 նոր հաստատված դեպքի մասին։ Նրանցից մեկը վարակակիրներից մեկի ամուսինն է, մյուսը՝ մորաքրոջ տղան։ Նրանք տեղափոխվել են Նորքի ինֆեկցիոն հիվանդանոց։

Այսօր` մարտի 13–ին, Հայաստանում կորոնավիրուսով վարակվելու ևս 2 դեպք է հաստատվել։

Մարտի 12-ի դրությամբ Ծաղկաձորում պաշտոնապես մեկուսացված է ընդհանուր առմամբ 98 մարդ։ Նրանցից 31-ը 2 շաբաթ ժամկետով «Գոլդեն փելես» հյուրանոց են տեղափոխվել դեռ մարտի 1–ին։ Մարտի 11-ին հյուրանոց են տեղափոխել ևս 10 մարդու, իսկ մարտի 12-ին` ևս 57–ին։ Նրանք բոլորը ուղիղ շփում են ունեցել կորոնավիրուսով վարակված մարդու հետ:

Ինչպես են ապրում Ծաղկաձորում կորոնավիրուսի պատճառով մեկուսացվածները, ով է նրանց կերակրում

թեմա:
Կորոնավիրուսը Չինաստանում և աշխարհում (723)

Ըստ թեմայի

Ինչպես պաշտպանվել կորոնավիրուսից. օգտակար խորհուրդներ
Կորոնավիրուսով վարակվածների, մահացածների և բուժվածների թիվն աշխարհում. մարտի 13-ի տվյալներ
Կորոնավիրուսի կասկածանքով Վանաձորի ինֆեկցիոն հիվանդանոց է տեղափոխվել 5 քաղաքացի
թեգերը:
Տիգրան Պետրոսյան, կորոնավիրուս, Շիրակի մարզ, Հայաստան

Գլխավոր թեմաներ