ԵՐԵՎԱՆ, 15 մարտի - Sputnik. «Զվարթնոց» միջազգային օդանավակայանը պաշտոնական հաղորդագրություն է տարածել՝ նախազգուշացնելով, որ Հայաստան ժամանող ուղևորների մի մասը կարող է կարանտինային հսկողության տակ տեղափոխվել։
«Հաշվի առնելով երկրում և ամբողջ աշխարհում ստեղծված վիճակը՝ չենք բացառում, որ իրավիճակից ելնելով՝ որոշ չվերթերի ուղևորներ վերցվեն սանիտարակարանտինային հսկողության տակ»,- նշված է հաղորդագրության մեջ։
Օդանավակայանի լրատվական ծառայությունը տեղեկացրել է, որ այս պահի դրությամբ նման սանիտարակարանտինային հսկողության ենթարկվելու են միայն մարտի 15-ին Իտալիայից Երևան ժամանող ոչ կանոնավոր չվերթի ուղևորները, որոնք օդանավակայանից դուրս են բերվելու հատուկ ելքով:
Հայաստանի ավիակարգավարները ինքնամեկուսացվել են
Հաղորդագրության մեջ նաև նշված է, որ ներկա պահին օդանավակայանի աշխատանքներն իրականացվում են բնականոն հունով, նախատեսված չվերթերն ընդունում և ճանապարհում են չվացուցակով։
