10:42 30 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հասարակություն
Ստանալ կարճ հղումը
Կորոնավիրուսը Չինաստանում և աշխարհում (714)
94 0 0

Նախագահը նշել է, որ կառավարությունը, մեզանից յուրաքանչյուրը, պետությունը պետք է ունենա հստակ ռազմավարություն` ինչպես պայքարել վիրուսի դեմ, պետական կառույցները, գործարարները, հասարակական կազմակերպություններն իրենց ծրագիրը պետք է ունենան:

ԵՐԵՎԱՆ, 16 մարտի – Sputnik. ՀՀ նախագահ Արմեն Սարգսյանն անդրադարձել է Հայաստանում և ամբողջ աշխարհում ստեղծված իրավիճակին։ Նա ողջունել է ՀՀ կառավարության` արտակարգ դրություն հայտարարելու մասին որոշումն ու ընդգծել, որ կորոնավիրուսով պայմանավորված իրավիճակը համաշխարհային մարտահրավեր է։

«Մարտահրավերն իր տեսակով որպես վիրուս նոր չէ, բայց աշխարհն է նոր: Հետևաբար, վիրուսն այսօր աշխարհում տարածվում է շատ արագ, շատ ավելի ինտենսիվ: Պայքարի ձևերը տարբեր են. ինչպես գիտենք, աշխարհի տարբեր երկրներ տարբեր ձևով են պայքարում վիրուսի դեմ: Մենք, կարծում եմ, պետք է հստակորեն ուսումնասիրենք բոլոր երկրների հաջող և անհաջող փորձերը: Սակայն նման մարտահրավերի դեմ պայքարելիս կան սկզբունքներ, որոնք էական են»,- նշել է նա:

Նախագահի խոսքով` կառավարությունը, մեզանից յուրաքանչյուրը, պետությունը պետք է ունենա հստակ ռազմավարություն` ինչպես պայքարել վիրուսի դեմ, պետական կառույցները, գործարարները, հասարակական կազմակերպություններն իրենց ծրագիրը պետք է ունենան:

Սարգսյանը հորդորել է լինել կազմակերպված և կարգապահ, և նվազագույնի հասցնել մարդկային շփումները, քանի որ վիրուսային հիվանդությունները հաղթահարելի են ժամանակի մեջ, տարածության մեջ, կոնկրետ վայրում:

Կորոնավիրուսով վարակված քանի՞ հիվանդ կարող են ընդունել Հայաստանի հիվանդանոցները

«Այսօր ես, մասնավորապես, շատ անհանգիստ եմ մեր տարեց հայրենակիցների առողջության համար, քանի որ նրանք խոցելի են, և նաև նրանց համար, որոնք այս կամ այն պատճառով առողջական խնդիրներ ունեն:  Սակայն, կրկնում եմ. հաղթահարելու համար պետք է և՛ հստակ ռազմավարություն, և՛ հստակ կազմակերպվածություն, և՛ կարգապահություն: Մանավանդ հիմա հայտարարվել է արտակարգ դրություն»,- ասել է նա:

Սարգսյանը նաև հորդորել է պատասխանատվություն ցուցաբերել բոլորի հանդեպ և հիշատակել օրերս Առողջապահության համաշխարհային կազմակերպության գլխավոր տնօրենի հետ ունեցած զրույցը։

«Չնայած Հայաստանում կորոնավիրուսը դեռևս մեծ մասշտաբներ չունի, սակայն մենք գտնվում ենք բավականին զգայուն տարածաշրջանում, վարակի տարածման վտանգներ կան, աջակցության կարիք ունենք։ Ուզում եմ տեղյակ պահել, որ ԱՀԿ գլխավոր տնօրենին հրավիրեցի Հայաստան, և նա ընդունեց հրավերը։ Իր գործընկերների հետ նրա այցելությունը, կարծում եմ, շատ օգտակար կլինի»,- ընդգծել է ՀՀ նախագահը։

Նա հայտնել է, որ այսօր զրույց է ունեցել նաև Իտալիայի նախագահի հետ և փոխանակվել  Իտալիայում կիրառվող փորձով։

Վերջում Արմեն Սարգսյանը առանձնահատուկ շնորհակալություն է հայտնել բուժաշխատողներին, առողջություն է մաղթել բոլորին և հույս հայտնել, որ այս մարտահրավերը պատասխանատվության բարձր զգացումով կհաղթահարենք։

թեմա:
Կորոնավիրուսը Չինաստանում և աշխարհում (714)

Ըստ թեմայի

Կորոնավիրուսի դեմ պայքարն ու ռեստորանների աշխատանքը Հայաստանում. առաքումներն ավելացե՞լ են
Ֆուտբոլի ազգային հավաքականի ընկերական հանդիպումները չեն կայանա
Եթե Իրանից բոլոր եկածներին մեկուսացնեին, 10-ը «Գոլդեն փելեսի» կարիք կլիներ. վարչապետ
Ի՞նչ են պատմում Հայաստանում կորոնավիրուսի պատճառով մեկուսացվածները
թեգերը:
կորոնավիրուս, Արմեն Սարգսյան, Հայաստան

Գլխավոր թեմաներ