10:07 30 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հասարակություն
Ստանալ կարճ հղումը
122 0 0

Վարչապետն ԱԺ-ում անդրադարձել է նաև Տավուշի մարզի գնդակոծված գյուղերին և ԼՂՀ առաջիկա ընտրություններին։

ԵՐԵՎԱՆ, 16 մարտի –Sputnik. Հայաստանում արտակարգ դրություն մտցնելու համար ԱԺ–ում հրավիրված հատուկ նիստում ՀՀ վարչապետ Նիկոլ Փաշինյանը, պատասխանելով բանակում տիրող իրավիճակի մասին հարցին, հայտնեց, որ ՀՀ զինված ուժերը պատրաստ են երկրում արտակարգ դրությանը։

«Վստահեցնում եմ, որ զինվորների սննդի, հագուստի նոր կարգերը, բանակում աշխատավարձերի շոշափելի և էական բարձրացումները նպաստել են, որպեսզի մեր ԶՈւ-ի մարտունակությունն էլ ավելի բարձրանա», – ասաց նա։

Վարչապետի խոսքով` Տավուշի մարզում գյուղերի գնդակոծության հետ կապված վերջին միջադեպերը, խոսում են այն մասին, որ անհրաժեշտ է սահմանային միջադեպերի հետաքննության մեխանիզմ ներդնել։

«Ցավոք սրտի սահմանային միջադեպերը շարունակվում են, և, ցավոք, երկու կողմում էլ լինում են զոհեր։ Մեր կոչը մշտապես եղել է այն, որ պետք է թույլ չտալ իրավիճակի էսկալացիա։ Նման դեպքերում միշտ փոխադարձ մեղադրանքներ են հնչում, թե ով սկսեց և ինչ արեց։ Լավագույն ձևը սահմանային միջադեպերի հետաքննության գործում մեխանիզմ ունենալն է», – ընդգծեց վարչապետը։

Մի շարք փոփոխություններ են կատարվել ՀՀ ՊՆ նախապես մշակված ծրագրերում

Նա ավելացրեց, որ իր կարծիքով չարժե հետաձգել ԼՂՀ նախագահական ընտրությունները, քանի որ ԼՂՀ-ում կորոնովիրուսով վարակվելու դեպքեր չեն բացահայտվել։ Փաշինյանը կոչ արեց ՀՀ քաղաքացիներին միայն ծայրահեղ անհրաժեշտության դեպքում Արցախ այցելել։

Նշենք, որ ՀՀ կառավարությունն արդեն կայացրել է արտակարգ դրություն հայտարարելու մասին որոշումը։ Հայաստանում այս պահին կորոնավիրուսով վարակվելու 30 դեպք է գրանցվել, մեկը բուժվել է։

Ըստ թեմայի

«ՀՀ-ում ըմբռնեցի՞ն խնդրի հրատապությունը». Հարությունյանը`արտակարգ դրության մասին
Մոնթե Մելքոնյանի անվան վարժարանի ուսանողները չեն տարհանվում. ՊՆ
Խուճապը միայն սոցցանցերո՞ւմ է, կամ կորոնավիրուսով պայմանավորված իրավիճակը Հայաստանում
«Իրավիճակը հսկվում է». ՊՆ խոսնակը` բանակում իրականացվող կանխարգելիչ միջոցառումների մասին
թեգերը:
Բանակ, կորոնավիրուս, Նիկոլ Փաշինյան, Հայաստան

Գլխավոր թեմաներ