09:22 27 մայիսի 2020
Ուղիղ եթեր
  • USD483.82
  • GBP595.63
  • EUR530.41
  • RUB6.81
Հասարակություն
Ստանալ կարճ հղումը
Կորոնավիրուսը Հայաստանում և Արցախում (749)
498 0 0

Կորոնավիրուսի պատճառով չվերթերի մեծ մասը չեղարկվել է։ Ներկայացնում ենք մարտի 21-ին նախատեսված ժամանումների ու մեկնումների չվացուցակը։

ԵՐԵՎԱՆ, 20 մարտի – Sputnik. Հայաստանում մարտի 21-ին ավելացել է նախատեսված թռիչքների քանակը։ Երևանի «Զվարթնոց» միջազգային օդանավակայանում վայրէջք կկատարեն Վորոնեժից («Արմենիա» ավիաընկերություն), Դոհայից («Քաթար Էյրվեյզ») և Սանկտ Պետերբուրգից («Ուրալ») ժամանող ինքնաթիռները։

Բացի այդ, 7 չվերթ է սպասվում Մոսկվայից, որոնցից 3-ը կիրականացնի «Աերոֆլոտը»։

Մեկնումները կլինեն հետևյալ ուղղություններով` Թբիլիսի («Արմենիա»), Դոհա («Քաթար»), Սանկտ Պետերբուրգ («Ուրալյան ավիաուղիներ»)։ Իսկ Մոսկվա կմեկնեն 7 ինքնաթիռ, 7 չվերթներն էլ կիրականացնի «Աերոֆլոտը»։

Չեղարկվել են չվերթերը Վարշավայից, Շարժայից և Սամարայից։

Հիշեցնենք, որ աշխարհում կորոնավիրուսի տարածման հետ կապված մի շարք երկրներ և տրանսպորտային ընկերություններ սահմանափակել են ավիահաղորդակցությունը։

Միևնույն ժամանակ այսօր Wizz Air բյուջետային ավիափոխադրողը կիրականացնի Վիեննա–Երևան–Վիեննա իր առաջին չվերթը։

Օնլայն ծնողական ժողովից մինչև «տանը ինտերնետ չկա»․ առցանց ուսուցման զվարճալի կողմը

Շիրակի օդանավակայանում որևէ թռիչք չի իրականացվի, քանի որ «Պոբեդա» ավիաընկերությունը (մտնում է «Աերոֆլոտի» խմբի մեջ) մարտի 19-ից դադարեցրել է թռիչքները դեպի Գյումրի` ՌԴ քաղաքացիների մուտքի վերաբերյալ ՀՀ կառավարության սահմանափակումների պատճառով։

Ինչ պետք է անել հանրային տրանսպորտից օգտվելիս․ օգտակար խորհուրդներ

Նշենք, որ Հիվանդությունների վերահսկման և կանխարգելման ազգային կենտրոնի տվյալներով՝ մարտի 20-ի դրությամբ Հայաստանում կորոնավիրուսով վարակվածների թիվը հասել է 136-ի։ Մարտի 16-ին ՀՀ կառավարությունը կորոնավիրուսի տարածումը կանխելու համար երկրում արտակարգ դրություն է սահմանել, որը կտևի մինչև ապրիլի 14-ը։ Սահմանափակումներն առաջին հերթին վերաբերում են զանգվածային միջոցառումներին, ժամանցի կենտրոններին և որոշ գրասենյակներին, իսկ դպրոցները, բուհերն ու մանկապարտեզները արտակարգ դրություն հայտարարելուց մեկ շաբաթ առաջ արդեն փակ էին։ Պարետ է նշանակվել փոխվարչապետ Տիգրան Ավինյանը։

«Դիմակային նորաձևություն» կամ երևանցիների գույնզգույն պաշտպանությունը. լուսանկարներ

թեմա:
Կորոնավիրուսը Հայաստանում և Արցախում (749)

Ըստ թեմայի

Օրվա կադր․ մարդը, որին բոլորը տեսնում են, բայց ոչ ոք չի նկատում
Հայաստանից մեկնող ՌԴ քաղաքացիները կարող են իրենց մեքենաները թողնել Գետարգելում
Կիև-Երևան-Կիև չարտերային թռիչք կկազմակերպվի
թեգերը:
կորոնավիրուս, «Զվարթնոց» օդանավակայան, թռիչք, չվերթ, Հայաստան

Գլխավոր թեմաներ