10:05 27 մայիսի 2020
Ուղիղ եթեր
  • USD483.82
  • GBP595.63
  • EUR530.41
  • RUB6.81
Հասարակություն
Ստանալ կարճ հղումը
37610

Նախարարության պաշտոնատար անձինք չարաշահել են իրենց պաշտոնեական դիրքը և ծառայության շահերին հակառակ օգտագործել։

ԵՐԵՎԱՆ, 23 մարտի-Sputnik. ՀՀ գլխավոր դատախազությունում ուսումնասիրվել են ՀՀ բարձր տեխնոլոգիական արդյունաբերության նախարարության կողմից համակարգչային սարքավորումների և ցանցային սերվերների ձեռբերման վերաբերյալ նախարարի ուղեկցող գրությամբ ստացված փաստաթղթերը։ Դատախազության մամուլի ծառայության հաղորդմամբ՝ ուսումնասիրության արդյունքում առերևույթ հանցավոր չարաշահումներ են պարզվել:

ՀՀ բարձր տեխնոլոգիական արդյունաբերության նախարարության կարիքների համար թվով 100 համակարգչային սարքավորումների և 2 ցանցային սերվերների  ձեռքբերման նպատակով  մրցույթ է հայտարարվել, որի արդյունքում հաղթող ճանաչված ՍՊԸ-ի հետ 2019թ. դեկտեմբերին կնքվել է ապրանքների մատակարարման 2 պայմանագիր՝ 29.940.000 և 9.740.000 ՀՀ դրամ արժեքով:

Պայմանագրերի տեխնիկական բնութագրերով նախատեսված և ձեռք բերված ապրանքների համապատասխանության վերաբերյալ նախարարության պատասխանատու անձի կողմից տրվել են դրական եզրակացություններ, կազմվել ապրանքների հանձնման-ընդունման ակտեր ու արձանագրություններ։ Դրանց հիման վրա մատակարարված ապրանքներն ընդունվել են:

Ոստիկանների ու բժիշկների մասնակցությամբ հանցավոր սխեմա է գործել

Հետագայում պարզվել է, որ մատակարարված սարքավորումները չեն համապատասխանում պայմանագրերի տեխնիկական բնութագրերի պահանջներին:  Մասնավորապես, տաք փոխարինման հնարավորությամբ սերվերների փոխարեն մատակարարվել են այլ մոդելի սերվերներ, իսկ լազերային մկնիկների փոխարեն՝ օպտիկական։

Պարզվել է, որ փաստացի մատակարարված և ընդունված ցանցային սերվերների գինն ավելի ցածր է, քան պայմանագրերով նախատեսված սարքավորումների գներն են եղել:

«Փաստորեն, ՀՀ բարձր տեխնոլոգիական արդյունաբերության նախարարության պատասխանատու պաշտոնատար անձինք իրենց պաշտոնեական դիրքը ծառայության շահերին հակառակ օգտագործելով՝ շահադիտական, անձնական այլ շահագրգռվածությունից կամ խմբային շահերից ելնելով, համակարգչային սարքավորումների մատակարարման պայմանագրերի հանձնման-ընդունման փաստաթղթերում և իրենց կողմից կազմված եզրակացություններում մտցրել են պայմանագրերի տեխնիկական բնութագրերին չհամապատասխանող ապրանքների՝ նախատեսված պահանջներին համապատասխանության վերաբերյալ ակնհայտ կեղծ տվյալներ, ընդունել այդ ապրանքները»,- նշված է դատախազության տարածած հաղորդագրության մեջ:

Հոգեբուժարանի տնօրենը խոշոր հափշտակություններ և կեղծ գրանցումներ է կատարել. ԱԱԾ

Նշված գործողությունների հետևանքով պետությանը պատճառվել է 9.740.000 ՀՀ դրամի էական վնաս:

 ՀՀ գլխավոր դատախազության պետական շահերի պաշտպանության վարչությունում ՀՀ քրեական օրենսգրքի 308-րդ հոդվածի 1-ին մասի (պաշտոնական լիազորությունները չարաշահելը) և 314-րդ հոդվածի 1-ին մասի(պաշտոնեական կեղծիք) հատկանիշներով հարուցվել է քրեական գործը:

Նախաքննություն կատարելու հանձնարարությամբ քրեական գործն ուղարկվել է ՀՀ քննչական կոմիտե:

Ըստ թեմայի

Նկարիչների միության նոր նախագահը բացահայտել է Կարեն Աղամյանի չարաշահումները
Խոշոր չարաշահումներ Նոր Նորքում. ստիպել են հիմնադրամին ապօրինի գումար փոխանցել. տեսանյութ
Միլիոնավոր դոլարների չարաշահումներ. Վանեցյանը մանրամասներ է ներկայացնում. տեսանյութ
Խոշոր չարաշահումներ «Ծաղկաձորի գլխավոր մարզահամալիրում»․ հարուցվել է քրեական գործ
թեգերը:
համակարգիչ, պաշտոնյա, չարաշահում, ՀՀ գլխավոր դատախազություն, Հայաստան

Գլխավոր թեմաներ