10:54 07 հունիսի 2020
Ուղիղ եթեր
  • USD481.74
  • GBP608.44
  • EUR546.00
  • RUB7.01
Հասարակություն
Ստանալ կարճ հղումը
Կորոնավիրուսը Հայաստանում և Արցախում (894)
547 0 0

Տեղաշարժի սահմանափակման որոշումը խախտողները կարող են ենթարկվել վարչական պատասխանատվության, իսկ եթե այդ ընթացքում նաև այլ անձի վարակի փոխանցման պատճառ են դարձել՝ քրեական պատասխանատվության:

ԵՐԵՎԱՆ, 24 մարտի - Sputnik. ՀՀ փոխվարչապետ, արտակարգ դրության պարետ Տիգրան Ավինյանն ընդունել է քիչ առաջ ՀՀ վարչապետ Նիկոլ Փաշինյանի ներկայացրած՝ ՀՀ քաղաքացիների տեղաշարժի սահմանափակումների մասին որոշումը:

Որոշումը, որը հրապարակվել է ՀՀ կառավարության պաշտոնական կայքում, ուժի մեջ է մտնելու մարտի 24-ի 00:00-ից մինչև մարտի 31-ի ժամը 23:59-ը:

Քաղաքացիներն իրավունք են ունենալու այցելել միայն պարենային ապրանքների խանութներ, դեղատներ, գյուղատնտեսական արտադրանքի շուկաներ, հիվանդանոցներ ու բժշկական այլ հաստատություններ, խնամքի կարիք ունեցող անձանց բնակության կամ կացության վայրեր, հոգեհանգստի և հուղարկավորության, բայց միայն համապատասխան գրության ու անձը հաստատող փաստաթղթի առկայության դեպքում:

Քաղաքացին օրը մեկ անգամ իրավունք կունենա իր բնակության վայրի մոտակայքում ֆիզիկական վարժություններ կամ հեծանվավարություն իրականացնել: Թույլատրվում է անձնական տրանսպորտային միջոցներով առավելագույնը երկու անձանց (ներառյալ վարորդը) տեղափոխումը:

Ինչ վերաբերում է տնից դուրս գալու պարագայում պարտադիր պահանջվող ձևաթղթին, դրանում պետք է նշված լինի ամիս-ամսաթիվը, քաղաքացու անունը, ազգանունը, հայրանունը, ելքի ժամը, ելքի հասցեն, այցելության վայրի հասցեն ու անվանումը, ինչպես նաև այցելության նպատակը, վերադարձի ակնկալվող ժամը և քաղաքացու ստորագրությունը:

Ընդ որում՝ այս փաստաթուղթը կարող է լինել տպագրված կամ ձեռագիր:

Պատգամավորները նույնպես կնստեն տանը. ԱԺ կգնան միայն խիստ անհրաժեշտության դեպքում

Սահմանափակման կարգը խախտելու համար ՀՀ քաղաքացիները կարող են ենթարկվել վարչական պատասխանատվության, իսկ եթե այդ ընթացքում նաև այլ անձի վարակի փոխանցման պատճառ են դարձել՝ քրեական պատասխանատվության:
Բացառություններ են սահմանված միայն ՀՀ ոստիկանության, ԱԻՆ-ի աշխատակիցների, բժիշկների և այն ձեռնարկությունների աշխատակիցների համար, որոնց աշխատանքը պարետի որոշմամբ սահմանափակված չէ:

Հիվանդանոցների հնարավորությունների մասին. նախարարը շրջայց է կատարել

Քաղաքացիների տեղաշարժի նկատմամբ հսկողությունն իրականացնելու է ՀՀ ոստիկանությունը:

Հիշեցնենք, որ մարտի 24-ի ժամը 19:00-ի դրությամբ կորոնավիրուսով վարակվածների թիվը Հայաստանում հասել է 249–ի։ Վարակի դեպքեր ունենք Երևանում, Արմավիրի, Արարատի, Արագածոտնի, Կոտայքի, Սյունիքի, Շիրակի և Լոռու մարզերում:

Կորոնավիրուսի կանխարգելման նպատակով մարտի 16-ին Հայաստանում արտակարգ դրություն է սահմանվել, որը կտևի մինչև ապրիլի 14–ը:

թեմա:
Կորոնավիրուսը Հայաստանում և Արցախում (894)

Ըստ թեմայի

Ալկոգելի գինը չի բարձրացել և նույնիսկ կնվազի. ՏՄՊՊՀ
Ո՞վ է պահելու աշխատավարձ չստացող քաղաքացուն. պարտականության հարցում կարծիքները տարբեր են
Ռուսաստանը կօգնի Իտալիային պայքարել կորոնավիրուսի դեմ
թեգերը:
խախտում, Տուգանք, Տիգրան Ավինյան, Արտակարգ դրություն, Հայաստան, կորոնավիրուս

Գլխավոր թեմաներ