00:16 04 ապրիլի 2020
Ուղիղ եթեր
  • USD502.97
  • GBP618.25
  • EUR543.86
  • RUB6.56
Հասարակություն
Ստանալ կարճ հղումը
Կորոնավիրուսը Չինաստանում և աշխարհում (489)
123 0 0

#StayHome մարտահրավերի մասնակիցները ինքնամեկուսացման ժամանակ զուգարանի թղթով ֆրիսթայլ են ցուցադրում, սակայն, պարզվում է՝ դրանից ոչ բոլորն ունեն։

ԵՐԵՎԱՆ, 26 մարտի –Sputnik. Հայտնի մարզիկները ազատ ժամանակ փորձում են ինչ–որ բանով զբաղվել, քանի որ կորոնավիրուսի հետ կապված կարանտինի պատճառով աշխարհում չեղարկվել են բոլոր սպորտային մրցումները։

Համացանցում լայն տարածում գտավ ֆուտբոլիստների նախաձեռնած ֆլեշմոբը, որի ժամանակ նրանք խաղում էին գնդակով։ Նրանցից շատերը գնդակի փոխարեն զուգարանի թուղթ էին օգտագործում, որը վերջին շրջանում աշխարհում անհավանական մեծ պահանջարկ է վայելում։

Посмотреть эту публикацию в Instagram

CuarenTENIS🎾🤷🏻‍♂️

Публикация от DAVID NALBANDIAN (@nalbandiand)

Օրեր առաջ #StayHome մարտահրավերին միացավ նաև հայտնի արգենտինացի ֆուտբոլիստ Լիոնել Մեսին։ Շուտով ֆլեշմոբի գաղափարը ընդօրինակեցին հայտնի թենիսիստները, որոնց թվում էր նաև աշխարհահռչակ արգենտինահայ մարզիկ Դավիթ Նալբանդյանը, ապա նրանց միացավ հայկական ծագում ունեցող ռուսաստանաբնակ Կարեն Խաչանովը։

Երկուսն էլ թենիսի ռակետով գնդակի փոխարեն զուգարանի թուղթ էին խաղացնում։

Օրերս յուրօրինակ ձևով #StayHome մարտահրավերին միացավ Հայաստանի ֆուտբոլի հավաքականի և Ռուսաստանի «Սոչի» ակումբի հարձակվող Ալեքսանդր Կարապետյանը։ Նա իմիտացիա է արել, քանի որ, ըստ նրա, հիգիենայի այդ միջոցից տանը չի եղել։

«Չեմ կարող միանալ մարտահրավերին, քանի որ զուգարանի թուղթ չունեմ։ Եսասեր մի՛ եղիր և գնի՛ր այնքան, որքան իսկապես անհրաժեշտ է», – ասել է ֆուտբոլիստը տեսանյութում՝ կոչ անելով մարդկանց խանութները չդատարկել։

Посмотреть эту публикацию в Instagram

Don’t Be Selffish #againstcorona #againstselffishness

Публикация от Aleksandre Karapetyan (@aleksandre_karapetyan)

Նշենք, որ մարտահրավերի միջոցով մարզիկները կոչ են անում մարդկանց հետևել կարանտինին և առանց անհրաժեշտության տնից դուրս չգալ։

Մարտի 25-ի դրությամբ աշխարհում` COVID-19 նոր կորոնավիրուսով վարակվելու դեպքերի ընդհանուր թիվը հասել է 423469–ի, 18 909 մարդ մահացել է, 109 153–ը՝ բուժվել։

Հիշեցնենք, որ Հայաստանում, ինչպես մի շարք այլ երկրներում, կորոնավիրուսի տարածման դեմ պայքարի համար արտակարգ դրության ռեժիմ է հայտարարվել։ Հայաստանում արտակարգ դրության ռեժիմը կտևի մեկ ամիս` մարտի 16–ից ապրիլի 14-ը։ Սահմանափակվել է երկիր մուտքն ու ելքը, Երևանում և մյուս քաղաքներում արգելվել են հանրային միջոցառումները, սեփականատերերի նախաձեռնությամբ փակվել են մի շարք ռեստորաններ, սրճարաններ և խանութներ (բացի պարենայիներից)։ Փակ են նաև ուսումնական և մշակութային հաստատությունները։

Նշենք, որ Հիվանդությունների վերահսկման և կանխարգելման ազգային կենտրոնի տվյալներով՝ մարտի 25-ի դրությամբ Հայաստանում կորոնավիրուսով վարակվածների թիվը հասել է 265-ի։

թեմա:
Կորոնավիրուսը Չինաստանում և աշխարհում (489)

Ըստ թեմայի

Մնացեք տանը հանուն մեզ․ «Նորք» ինֆեկցիոն հիվանդանոցի բժշկի ֆլեշմոբը հուզել է օգտատերերին
Երբ երգում են բոլորը. անհավանական ֆլեշմոբ ինքնամեկուսացած Իտալիայում
«Մի ծխեք նրանց մոտ, ում սիրում եք». Արսեն Թորոսյանը մասնակցեց ֆլեշմոբին
«Դու մենակ չես». ավելի քան 3000 մարդ եզակի ֆլեշմոբ կանցկացնեն հանուն քաղցկեղով հիվանդների
թեգերը:
Ալեքսանդր Կարապետյան, Կարեն Խաչանով, ֆլեշմոբ, մարզիկ, հայ

Գլխավոր թեմաներ