02:07 25 մայիսի 2020
Ուղիղ եթեր
  • USD482.24
  • GBP587.08
  • EUR525.21
  • RUB6.71
Հասարակություն
Ստանալ կարճ հղումը
Կորոնավիրուսը Հայաստանում և Արցախում (729)
29710

Առողջապահության նախարարը վստահեցնում է` Հայաստանն ունի բավարար քանակի PCR թեստեր և շարունակում է ձեռք բերել նոր խմբաքանակներ։

ԵՐԵՎԱՆ, 26 մարտի – Sputnik. ՀՀ առողջապահության նախարար Արսեն Թորոսյանը կառավարության մամուլի կենտրոնում կայացած ասուլիսի ժամանակ վստահեցրեց, որ Հայաստանը կորոնավիրուսի ախտորոշման թեստերի պակաս չունի։

«Ո՞վ ասաց, որ Հայաստանն ունի կորոնավիրուսի ախտորոշման թեստերի պակաս։ Նման խնդիր չունենք։ Մենք ունենք PCR բավարար քանակի թեստեր, և դրանք ձեռք բերելու գործընթացը շարունակվում է։ Մինչ օրս արվել է 1440 թեստ»,–ասաց նախարարը։

Թորոսյանը հայտնեց, որ թեստերն արվում են միայն Հիվանդությունների կանխարգելման և վերահսկման ազգային կենտրոնում։ Դրանից բացի, թեստեր կարող են անել նաև այդ կառույցի Վանաձորի, Գյումրու, Կապանի կենտրոններում։

Ինչ վերաբերում է ռապիդ թեստերին, ապա դրանք էլ, ըստ նախարարի, ոչ ճիշտ կողմնորոշիչ, կրկնման կարիք ունեցող թեստեր են։

Նրա խոսքով` այսօր կամ վաղը կլինի քարտեզ, թե որտեղ որքան դեպք է տեղի ունեցել։ Թորոսյանն ասաց, որ, օրինակ, Գյումրիում կորոնավիրուսով վարակվածների թիվն այդքան մեծ չէ` 1-2 ձեռքի մատների վրա կարելի է հաշվել։ Նախարարը հայտնեց, որ նրանք բուժում են ստանում հենց Գյումրու ինֆեկցիոն հիվանդանոցում, որտեղ նաև այլ վարակակիրներ կան։

Թորոսյանի խոսքով` դեռ կան դեպքեր, որ քաղաքացիները չեն պատմում իրենց բոլոր շփումների մասին։ «Որոշ մարզերում շարունակվում է նոր դեպքերի արձանագրումը, օրինակ` Կոտայքի մարզում։ Դեպքեր կան թե՛ Երևանում, թե՛ հարակից մարզերում, ինչպես նաև Սյունիքում ու Լոռիում, բայց ամենաշատն արձանագրվել են Արմավիրում, Արարատում, Կոտայքում և Երևանում»,–ասաց նախարարը։

Հայաստանում կորոնավիրուսով վարակված դպրոցահասակ երեխաներ կան. Թորոսյան

Հիշեցնենք` Հայաստանում կորոնավիրուսով վարակվածների թիվն այսօր ժամը 10։00-ի դրությամբ ավելացել է ևս 25–ով և դարձել 290, առողջացել է 18 քաղաքացի։

Ապրիլի 24–ին, 23։59-ից մեկ շաբաթով արգելվել է ՀՀ քաղաքացիների ազատ տեղաշարժը, և նրանք տնից պետք է դուրս գան միայն խիստ անհրաժեշտության դեպքերում։

թեմա:
Կորոնավիրուսը Հայաստանում և Արցախում (729)

Ըստ թեմայի

Կորոնավիրուսով հիվանդներից 2-ի վիճակը ծայրահեղ ծանր է. Թորոսյանը նոր տվյալներ է հայտնում
Մնացե՛ք տանը հանուն մտերիմների. «Ռոսիա սեգոդնյան» ընդդեմ կորոնավիրուսի
Ռուսաստանը Հայաստանին ավտոմեքենաներ է նվիրում. դրանք կնպաստեն կորոնավիրուսի դեմ պայքարին
թեգերը:
թեստ, Արսեն Թորոսյան, կորոնավիրուս, Հայաստան

Գլխավոր թեմաներ