01:40 09 հուլիսի 2020
Ուղիղ եթեր
  • USD485.74
  • GBP608.34
  • EUR547.57
  • RUB6.82
Հասարակություն
Ստանալ կարճ հղումը
148 0 0

Վարչական իրավախախտման վերաբերյալ արձանագրություններից 299-ը բաժին է հասել Երևանի բնակիչներին, սակայն խախտումներ են գրանցվել նաև մարզերում։

ԵՐԵՎԱՆ, 26 մարտի - Sputnik. Տեղաշարժվելու իրավունքի սահմանափակումները խախտելու փաստերով մարտի 26-ին, ժամը 9․00-ից մինչև 18․00-ն 635 անձի նկատմամբ կազմվել է վարչական իրավախախտման վերաբերյալ արձանագրություն։ Տեղեկությունը հայտնում է ՀՀ ոստիկանության լրատվական վարչության պետ Աշոտ Ահարոնյանը։

«Մեկուսացման կամ ինքնամեկուսացման կանոնները կամ ազատ տեղաշարժվելու իրավունքի այլ սահմանափակումները խախտելու փաստերով 349 անձի նկատմամբ կազմվել է վարչական իրավախախտման վերաբերյալ արձանագրություն, իսկ Պարետի որոշումն ուժի մեջ մտնելուց հետո մինչև մարտի 26-ի ժամը 18-ը՝ 635 անձի նկատմամբ, 299՝ մայրաքաղաքում, 336-ը՝ մարզերում»,-ասված է հաղորդագրության մեջ։

Ահարոնյանի խոսքով` այսօր ճանապարհային ոստիկանության ծառայողները հանրապետությունում հայտնաբերել են 491 տրանսպորտային միջոց, որոնց մեջ եղել են 2-ից ավելի անձինք, իսկ պարետ Տիգրան Ավինյանի որոշումն ուժի մեջ մտնելուց հետո մինչև մարտի 26-ի ժամը 18-ը՝ 1176 տրանսպորտային միջոց։ Որոշումը խախտած բոլոր անձինք իջեցվել են մեքենաներից։

Վարչական իրավախախտման վերաբերյալ արձանագրություններ են կազմվել նաև հասարակական տրանսպորտի 26 վարորդների նկատմամբ, որոնք տեղափոխել են սահմանված քանակից ավելի ուղևորներ։

Երևանի մետրոյի գնացքների աշխատանքում փոփոխություն է գրանցվել

Հիշեցնենք` Հայաստանում կորոնավիրուսով վարակվածների թիվն այսօր ժամը 10։00-ի դրությամբ հասել էր 290–ի, առողջացել է 18 քաղաքացի, մահացել է մեկը։ Երեկվանից մեկ շաբաթով արգելվել է ՀՀ քաղաքացիների ազատ տեղաշարժը, և նրանք տնից պետք է դուրս գան միայն խիստ անհրաժեշտության դեպքերում։

Մենակ մնացած Երևանը` վերևից. ի՞նչ տեսք ունի քաղաքն առանց աղմուկի

Ըստ թեմայի

Ինչպես է Արմեն Սարգսյանն աշխատում արտակարգ դրության պայմաններում
Պետությունը սոցիալական աջակցություն կտրամադրի անչափահաս երեխաներ ունեցող ընտանիքներին
Կառավարությունը կխրախուսի ճգնաժամի օրերին իր աշխատակիցներին չազատած գործատուներին
թեգերը:
Ոստիկանություն, խախտում, Արտակարգ դրություն, Հայաստան

Գլխավոր թեմաներ