13:12 29 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հասարակություն
Ստանալ կարճ հղումը
178 0 0

Մխիթարյանn իր հետևորդներին խորհուրդ է տվել մնալ տանը, լինել ապահով և պահպանել լավ մարզավիճակը։

ԵՐԵՎԱՆ, 26 մարտի- Sputnik. Լոնդոնյան «Արսենալի» կիսապաշտպան, Հայաստանի հավաքականի ավագ Հենրիխ Մխիթարյանը, որն այժմ վարձակալության իրավունքով հանդես է գալիս իտալական «Ռոմայում», Instagram-ի իր էջի Story բաժնում տեսանյութ է հրապարակել՝ պատմելով, թե ինչպես է անցկացնում «տնային մեկուսացման» օրերը։

«Աշխարհի համար դժվարին այս օրերին ուզում եմ ձեզ տեղեկացնել, որ տանն անհատական մարզվելուց և ընտանիքիս հետ ավելի շատ ժամանակ անցկացնելուց բացի, ես նոր նախասիրություն եմ ձեռք բերել՝ ֆիլմեր և սերիալներ դիտել»,- ասել է հայազգի ֆուտբոլիստն ու դիմելով հետևորդներին՝ նշել, որ ուրախ կլիներ, եթե իրեն լավ ֆիլմեր ու սերիալներ խորհուրդ տային։

«Մնացեք տանը, եղեք ապահով և պահպանեք մարզավիճակը»,- այս ուղերձով է Մխիթարյանը եզրափակել է իր կարճ տեսանյութը։

Ավելի ուշ Մխիթարյանը տեսանյութում հնչեցրած հորդորը ներկայացրել է նաև գրառման տեսքով, որում ավելացրել է․«Նաև աղոթում եմ նրանց համար, ովքեր տառապում են դժվարին այս ժամանակներում։ Իմ մտքերը նաև այն բուժաշխատողների հետ են, որոնք պայքարում են կյանքեր փրկելու համար»։

Հիշեցնենք, որ վերջերս The Times-ին տված հարցազրույցում 31-ամյա ֆուտբոլիստը նշել էր, որ չգիտի, թե ակումբում ինչպիսին կլինի իր ապագան, բայց կգերադարսեր Իտալիայում մնալ, քանի որ այդտեղ իր բնութագրին համապատասխանող ֆուտբոլ են խաղում։ Նշվում էր, որ Մխիթարյանի գործակալ Միլո Ռայոլան փորձում է ևս մի խաղաշրջանով երկարաձգել Մխիթարյանի պայմանագիրը «Ռոմայի» հետ։ Մխիթարյանը պատրաստ է մնալ Հռոմում նաև ավելի ցածր աշխատավարձով։

Մխիթարյան, թե Սմոլինգ. «Ռոման» ընտրության առա՞ջ է կանգնած

Հիշեցնենք՝ Հայաստանի ֆուտբոլի ազգային թիմի ավագ Հենրիխ Մխիթարյանն իտալական «Ռոմա» տեղափոխվեց ընթացիկ մրցաշրջանի մեկնարկին: «Գայլերի» կազմում հայ կիսապաշտպանը մասնակցել է 13 խաղի, խփել 6 գնդակ և դարձել է 3 գոլային փոխանցման հեղինակ:

Ըստ թեմայի

Հենրիխ Մխիթարյանը ցույց է տալիս` ինչպես է պետք պայքարել կորոնավիրուսի դեմ
Հենրիխ Մխիթարյանը կրկին վնասվածք է ստացել
Ինչպես են իրենց զգում Հռոմում գտնվող Հենրիխ Մխիթարյանն ու նրա ընտանիքը
Հենրիխ Մխիթարյանը հրապարակել է նորածին որդու լուսանկարը
թեգերը:
գիրք, սերիալ, տեսանյութ, Հռոմ, ֆուտբոլիստ, կորոնավիրուս, Հենրիխ Մխիթարյան

Գլխավոր թեմաներ