09:59 27 մայիսի 2020
Ուղիղ եթեր
  • USD483.82
  • GBP595.63
  • EUR530.41
  • RUB6.81
Հասարակություն
Ստանալ կարճ հղումը
176 0 0

Ապակիների արտադրամասը խախտել է պարետ Տիգրան Ավինյանի որոշումը և արտակարգ դրության ժամանակ շարունակել աշխատել։

ԵՐԵՎԱՆ, 27 մարտի – Sputnik. ՀՀ ոստիկանությունը տեղեկացնում է, որ Բագրևանդ փողոցի ապակիների արտադրամասն անտեսել է պարետի որոշումն ու շարունակել իր գործունեությունը, ինչի համար էլ վարչական տույժի է ենթարկվել։

«Մարտի 26-ին ոստիկանության Նոր Նորքի բաժնի ծառայողները այցելել էին Բագրևանդ փողոցի ապակիների արտադրամաս և հանձնել աշխատանքը դադարեցնելու վերաբերյալ համապատասխան իրազեկումը: Սակայն մարտի 27-ին բաժինը տեղեկություններ էր ստացել, որ ընկերությունը շարունակում է գործունեությունը»,–նշված է հաղորդագրության մեջ։

Ոստիկաններն այցելել են նշված հասցե ու պարզել, որ արտադրամասի աշխատակիցներն իրոք աշխատում են:

Ընկերության տնօրենի նկատմամբ իրականացվել է վարչական վարույթ` վարչական իրավախախտումների վերաբերյալ օրենսգրքի 182.3-րդ հոդվածի 2-րդ ենթակետի պահանջների համաձայն, այն է` արտակարգ դրության ժամանակ ֆինանսատնտեսական գործունեության առանձին տեսակների իրականացման սահմանափակումները խախտելը, որն առաջացնում է տուգանքի նշանակում` սահմանված նվազագույն աշխատավարձի հարյուրապատիկից մինչև երեքհարյուրապատիկի չափով։

Իրավիճակի լրջությունը դեռ չեն գիտակցում. ինչ խախտումներ է արձանագրել ոստիկանությունը

Հիշեցնենք, որ պարետ Տիգրան Ավինյանի որոշմամբ` արտակարգ դրության ժամանակ թույլատրվում է միայն պարենային խանութների, դեղատների և գյուղմթերքի շուկաների գործունեությունը։

Հայաստանում արտակարգ դրություն է հայտարարվել մարտի 16-ից և այն կտևի մինչև ապրիլի 14–ը։ Այսօրվա դրությամբ ՀՀ-ում կորոնավիրուսով վարակման 329 դեպք է գրանցվել։

Ըստ թեմայի

16:00-ից հետո ոստիկանությունը կսկսի տուգանել. սահմանափակման ռեժիմը խախտողներին կպատժեն
Արտակարգ դրության ռեժիմի խախտումներ են արձանագրվել
Ճանապարհային ոստիկանությունը տուգանել է Աննա Հակոբյանին
թեգերը:
Տնօրեն, Տիգրան Ավինյան, Տուգանք, Հայաստան

Գլխավոր թեմաներ