11:20 10 հուլիսի 2020
Ուղիղ եթեր
  • USD486.60
  • GBP615.69
  • EUR551.22
  • RUB6.87
Հասարակություն
Ստանալ կարճ հղումը
Կորոնավիրուսը Հայաստանում և Արցախում (1215)
410 0 0

ՀՀ վարչապետը հայտնում է, որ կորոնավիրուսով վարակվելու դեպքերի աճը ստիպում է երկարաձգել սահմանափակումները։

ԵՐԵՎԱՆ, 31 մարտի - Sputnik. ՀՀ վարչապետ Նիկոլ Փաշինյանը Facebook–յան ուղիղ եթեր մտավ ու հայտնեց, որ ոչ այնքան հաճելի լուր է հայտնելու։

«Մենք եկել ենք այն եզրակացության, որ խիստ սահմանափակումները, որոնք մենք պայմանականորեն անվանում ենք «տանը մնա», ստիպված ենք երկարաձգել առնվազն 10 օրով։ Այդ որոշման պատճառը կորոնավիրուսի դրական ախտորոշված դեպքերի աճն է»,– ասաց նա։

Անդրադառնալով այսօր ԱԺ–ում չընդունած օրինագծին` Փաշինյանն ասաց, որ նորից են փորձելու այն ԱԺ ներկայացնել։

Ազգային ժողովի մեծամասնությունն այսօր տապալեց մեծ աղմուկ բարձրացրած «Արտակարգ դրության իրավական ռեժիմի» և «Էլեկտրոնային հաղորդակցության մասին» օրենքներում լրացում կատարելու մասին օրենքների նախագծերը երկրորդ ընթերցմամբ ու ամբողջությամբ ընդունելու հարցը:

«Հասկանալի է, որ սա այնքան էլ հաճելի բան չէ, և սա մեծագույն տհաճությամբ ենք անում, սակայն առանց այս միջոցների կիրառման` իրավիճակը կարող է ավելի վատթարանալ։ Առաջանում են բազմաթիվ չնախատեսված պրոբլեմներ, հասկանալի է, որ ինչքան սահմանափակումներն ավելանում են, այնքան ավելանում են պրոբլեմները, այդ թվում` տնտեսական»,–ասաց վարչապետը։

Նրա խոսքով` հեռախոսային շփումների վերահսկման նախագիծն Ազգային ժողով են ներկայացրել` հաշվի առնելով միջազգային փորձը։

Փաշինյանը նշեց` կան իրավիճակներ, երբ այդքան էլ վստահ չեն, թե քաղաքացին ումից է վարակվել և ում հետ շփվել, իսկ հեռախոսային շփումների վերահսկման միջոցով ողջ պատկերը պարզ կլինի։

Նրա ձևակերպմամբ` մինչև դանակը ոսկորին չի հասնում, կառավարությունը որևէ սահմանափակում չի մտցնում քաղաքացիներին հնարավորինս քիչ նեղություն տալու համար։

Հիշեցնենք` Հայաստանում կորոնավիրուսով վարակվածների թիվը հասել է 532-ի։ Մարտի 24-ին ՀՀ փոխվարչապետ, արտակարգ դրության պարետ Տիգրան Ավինյանն ընդունել էր ՀՀ վարչապետ Նիկոլ Փաշինյանի ներկայացրած՝ ՀՀ քաղաքացիների տեղաշարժի սահմանափակումների մասին որոշումը, որն ուժի մեջ էր մտել մարտի 24-ի 00:00-ից և պետք է գործեր մինչև մարտի 31-ի ժամը 23:59-ը:

Կորոնավիրուսից մահացածներին չդիահերձելու հարցն անորոշ ժամանակով հետաձգվում է

թեմա:
Կորոնավիրուսը Հայաստանում և Արցախում (1215)

Ըստ թեմայի

Ռուսաստանում կորոնավիրուսը բուժող դեղորայք են ստեղծել. սպասում են մասնագետների պատասխանին
ԱԺ պատգամավորների մոտ մի թեստը հաստատել է կորոնավիրուսի առկայությունը, մյուսը՝ հերքել
«Ռոսպոտրեբնադզորը» կորոնավիրուսի ախտորոշման բարձր ճշգրտության թեստ է ստեղծել
թեգերը:
Արտակարգ դրություն, կորոնավիրուս, Նիկոլ Փաշինյան, Հայաստան

Գլխավոր թեմաներ