03:31 16 հունիսի 2021
Ուղիղ եթեր
  • USD515.68
  • GBP725.87
  • EUR625.16
  • RUB7.18
Հասարակություն
Ստանալ կարճ հղումը
162 0 0

Կենտրոնական բանկի նախագահի միակ թեկնածուի հարցը կքննարկվի ԱԺ լիագումար նիստում:

ԵՐԵՎԱՆ, 31 մարտի Sputnik. «Իմ քայլը» խմբակցության կողմից առաջադրված Մարտին Գալստյանը Կենտրոնական բանկի նախագահի միակ թեկնածուն է: Այսօր կայացած ԱԺ ֆինանսավարկային և բյուջետային հարցերի մշտական հանձնաժողովի նիստի ժամանակ Գալստյանը ներկայացրել է իր անելիքները և խոսել ծրագրերի մասին։

«Դրամավարկային քաղաքականության գործիքակազմի և գիտելիքների առումով խորը մասնագիտական գիտելիքներ են ձևավորվել ԿԲ–ում։ Այդ առումով ԿԲ–ն պետք է շարունակի գտնվել առաջամարտիկի դերում։ Այս ոլորտում ԿԲ մասնագետները բավականին մեծ փորձ են կուտակել, և նրանք փորձի փոխանակում են անում անգամ աշխարհի կենտրոնական այլ բանկերին»,–ասաց Գալստյանը։

Նրա խոսքով` ֆինանսական կայունությունն այսօր, առավել քան երբևէ, կարևոր է, և այստեղ անելիքները շատ են։ Առաջին հերթին, ըստ Գալստյանի, կարևոր է հասարակության հավատն ազգային արժույթի նկատմամբ։ Բացի այդ, էական է նաև հասարակության կրթվածության և ֆինանսական գրագիտության մակարդակի բարձրացումը։ 

Գալստյանը, խոսելով իր անելիքների մասին, նշեց, որ ԿԲ–ն վերջին երկու տարիներին բավականին մեծ թվով փորձառու ու բարձրակարգ մասնագետներ է կորցրել. սրան էլ պետք է անդրադարձ կատարվի։

Կենտրոնական բանկի որոշմամբ ուժը կորցրած է ճանաչվել «Վարկս Էյ ԷՄ»–ի լիցենզիան

Քննարկումներից և Գալստյանին ուղղված բազմաթիվ հարցերից հետո ԱԺ պրոֆիլային հանձնաժողովի անդամներն աջակցեցին նրա թեկնածությունը՝ 7 կողմ և 2 դեմ ձայների հարաբերակցությամբ:    

Նշենք, որ ԿԲ նախագահի թեկնածու Գալստյանի թեկնածությունը կքննարկվի ԱԺ լիագումար նիստում:

Ի դեպ, Գալստյանը  2018–ից առ այսօր ՀՀ կենտրոնական բանկի խորհրդի անդամ է։

Նա 1994-1999թթ. սովորել է Երևանի պետական համալսարանի տնտեսագիտության ֆակուլտետում, իսկ 2002թ. Երևանի պետական համալսարանում ստացել է տնտեսագիտության թեկնածուի աստիճան։ Իսկ 2009-2010թթ. որպես մագիստրոս սովորել է Հարվարդի Համալսարանի  Ջոն Ֆ. Քենեդու անվան Կառավարման դպրոցում` Հանրային կառավարման ֆակուլտետում։

Հիշեցնենք, որ ԿԲ ներկայիս նախագահ Արթուր Ջավադյանը պաշտոնավարում է 2008 թվականից։ Նա 2 անգամ ԱԺ-ի կողմից ընտրվել է այդ պաշտոնում։ Ջավադյանի պաշտոնավարման ժամկետը լրանում է հունիսին։

Ըստ թեմայի

ՀՀ ԿԲ-ն հորդորում է առևտրային բանկերին վարկառուների հանդեպ կիրառել անհատական մոտեցում
Կառավարության ներսում կադրային լուրջ իրարանցում է. ո՞վ կլինի ԿԲ–ի նոր նախագահը. «Իրատես»
Ցածր մակարդակում գնաճ. ԿԲ–ն որոշել է վերաֆինանսավորման տոկոսադրույքը նվազեցնել 0.25%–ով
Հայաստանում բանկային ավանդների դոլարացումը կրճատվում է․ ԿԲ նախագահ
թեգերը:
թեկնածու, ԱԺ, Կենտրոնական բանկ (ԿԲ), Արթուր Ջավադյան, Հայաստան

Գլխավոր թեմաներ