09:47 01 հունիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հասարակություն
Ստանալ կարճ հղումը
486 0 0

Ծաղկազարդի տոնը հայ առաքելական եկեղեցին նշում է հավատացյալների միայն խորհրդանշական ներկայությամբ։ Կորոնավիրուսի համաշխարհային համավարակի դեմ փորձ է արվում պայքարել նաև հավատքով։

ԵՐԵՎԱՆ, 5 ապրիլի - Sputnik. Հայ Առաքելական եկեղեցին այսօր տոնում է Ծաղկազարդի տոնը, որը խորհրդանշում է Հիսուս Քրիստոսի հաղթական մուտքը Երուսաղեմ։

Արարտյան հայրապետական թեմի առաջնորդանիստ Սբ. Սարգիս եկեղեցում այսօր մատուցվում է սուրբ պատարագ, որին, հիշեցնենք, կորոնավիրուսի տարածումը կանխելու նպատակով, պարետի որոշմամբ, մասնակցում են միայն եկեղեցականներն ու երգչախումբը։ Հավատացյալների համար մուտքը եկեղեցական արարողությունների օրերին փակ է։

Ինչպես հեռուսատատեսությամբ հեռարձակվող պատարագի մեկնաբանության ժամանակ ասած Տեր Ասողիկ քահանա Կարապետյանը, երգչախումբը պատարագի ընթացքում խորհրդանշում է հավատացյալ ժողովրդին ու երգչախմբի կողմից երգվող խոսքերը ժողովրդի խոսքն է ուղղված Աստծուն ու պատարագիչին։

«Ստեղծված համավարակի պայմաններում, հայոց հովվապետը` խորհրդակցելով եպիսկոպոսաց դասի հետ, տնօրինեց, որ այսօր դարձյալ ժողովուրդը հեռավար կերպով մասնակից լինի սուրբ պատարագրին։ Մեր եկեղեցում թերևս նման վիճակ չի եղել։ Բայց այսօր, թե՛ Կաթոլիկ եկեղեցում, թե՛ Ուղղափառ, և թե՛ Հայաստանյաց Սուրբ Առաքելական եկեղեցիներում այսպիսի որոշում է կայացվել, և մենք հնարավորություն ունենք Սուրբ պատարագին մասնակցելու մեր տներից և մեր հոգով մեր աղոթքն առ Աստված առաքելու։ Այս իրավիճակը մենք խորհրդանշորեն կնմանեցնենք այն տարիներին, երբ Սբ. Գրիգոր Լուսավորիչ հայրապետն արգելափակված էր վիրապում և հնարավորություն չուներ մասնակցելու որևէ եկեղեցական պաշտամունքի»,– ասաց Տեր Ասողիկը։

Գեղարդի շուրջ կրքերը բորբոքվում են, կամ ինչու է Էջմիածնում իրարանցում առաջացել

Նա նաև հույս հայտնեց, որ համավարակը կհաջողվի հաղթահարել , ու ժողովուրդը հնարավորություն կունենա դուրս գալ  իր խորհրդանշական վիրապից։

Հիեցնենք, այսօր Ն.Ս.Օ.Տ.Տ. Գարեգին Երկրորդ Կաթողիկոսի որոշմամբ, Մայր Աթոռի պահոցից դուրս է բերվելու Սուրբ գեղարդը: Ամենայն հայոց կաթողիկոսը կկատարվի Անդաստանի արարողություն, որի ընթացքում Սուրբ գեղարդով կօրհնվեն աշխարհի չորս կողմերը։

Համարվում է, որ գեղարդին հպվելը ոչ միայն ուժ է տալիս, այլև տարբեր հիվանդություններ է բուժում։ Գեղարդի շուրջ մի շարք լեգենդներ և զարմանալի պատմություններ են հյուսվել։ Ավանդույթի համաձայն` այն բազում մարդկանց կյանքեր է փրկել, կանխել համաճարակի տարածումը, այդ պատճառով գեղարդին դիպչել են ցանկանում նաև մարդիկ, որոնք ֆիզիկական կամ հոգեկան խնդիրներ ունեն: Դարեր առաջ, ժանտախտի ժամանակ Սուրբ գեղարդն ուղարկվել էր Վրաստան։

«Նարեկն» արևելահայերեն է թարգմանվել. ծախսերը հոգացել է մեդիամագնատ Արթուր Ջանիբեկյանը

Ըստ ավանդույթի` Սուրբ գեղարդը Հայոց աշխարհ է բերել Քրիստոսի 12 աշակերտներից մեկը՝ սուրբ Թադեոս առաքյալը: Սուրբ գեղարդն այն նիզակի ծայրն է, որով հռոմեացի զորականը՝ Ղունկիանոս հարյուրապետը, խոցեց Հիսուս Քրիստոսին խաչի վրա: Դեկտեմբերի 3-ը Սուրբ գեղարդի ուխտի օրն է: Կաթողիկոսի կոնդակի համաձայն` այդ օրը գեղարդը հանդիսավորությամբ դուրս է բերվում Մայր տաճարից, և մարդիկ կարողանում են դիպչել գեղարդին ու իրենց աղոթքն ուղղել առ Աստված: Հարյուրամյակներ շարունակ գեղարդը պահվել է Այրիվանքում (Գեղարդում) և միայն 1760 թվականին է բերվել Էջմիածին։

Ըստ թեմայի

Մասունքը դուրս է բերվում գանձարանից. Սուրբ գեղարդը հասանելի է հավատացյալներին
Հրաշագործ Սուրբ գեղարդի անցած ճանապարհն ու այսօրվա հանգրվանը
Սկանդալ Էջմիածնում. կաթողիկոսի հրաժարականը պահանջողներն ուզում են տեսնել Սուրբ Գեղարդը
Համաշխարհային մշակույթի հատուկ օբյեկտ կամ ինչ պետք է իմանալ Գեղարդի բացառիկ վանքի մասին
թեգերը:
քահանա, Եկեղեցի, պատարագ, Հայաստան

Գլխավոր թեմաներ