04:55 29 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հասարակություն
Ստանալ կարճ հղումը
Կորոնավիրուսը Հայաստանում և Արցախում (772)
262110

Տղամարդն ապրում էր կնոջ հետ, որդին տևական ժամանակ է` Հայաստանում չէ, դուստրերն էլ ամուսնացել ու Երևանում են ապրում։

ԵՐԵՎԱՆ, 6 ապրիլի – Sputnik, Արմենուհի Մխոյան. Երևանի «Գրիգոր Լուսավորիչ» հիվանդանոցում այս գիշեր կորոնավիրուսից մահացած քաղաքացին Մարալիկի 68–ամյա բնակիչն է: Sputnik Արմենիայի հետ զրույցում տեղեկությունը հաստատեց Շիրակի մարզպետ Տիգրան Պետրոսյանը։

ՀՀ վարչապետ Նիկոլ Փաշինյանն այսօր Facebook–ի ուղիղ եթերում հայտնեց, որ կորոնավիրուսով վարակվածներից մեկը մահացել է։ Երեկ Sputnik Արմենիան տեղեկացրել էր, որ 68-ամյա տղամարդը նախ տեղափոխվել էր Գյումրու ինֆեկցիոն հիվանդանոց, որտեղ բժիշկները, տեղեկանալով, որ նա արտերկրում չի եղել, վարակակրի հետ չի շփվել, երկկողմանի թոքաբորբ էին ախտորոշել, հետո նրան տեղափոխել էին «Գյումրի» բժշկական կենտրոն: Ավելի ուշ Երևան տեղափոխելու անհրաժեշտություն էր ծագել։ «Սուրբ Գրիգոր Լուսավորիչ» հիվանդանոցում հանձնած թեստից հետո նրա մոտ կորոնավիրուս էր հաստատվել: Տղամարդու հետ շփում ունեցած «Գյումրի» բժշկական կենտրոնի 29 աշխատակցի մեկուսացրել են քաղաքի հյուրանոցներից մեկում: Նրանց առողջական վիճակը լավ է, կորոնավիրուսին բնորոշ ախտանշաններ ու ջերմություն այս պահին չունեն:

Շիրակի մարզպետ Տիգրան Պետրոսյանը Sputnik Արմենիայի հետ զրույցում ասաց, որ մեկուսացվել է և՛ բուժանձնակազմը, և՛ բուժաշխատողների ընտանիքի անդամները:

«Մարալիկի բնակչի ընտանիքի անդամներն ու կոնտակտային անձինք նույնպես մեկուսացված են, մոտ 10 մարդ: Մի մասը Երևանում է, մյուս մասը՝ մեզ մոտ»,- նշեց Շիրակի մարզպետն ու ավելացրեց` «Գյումրի» ԲԿ-ի մեկուսացված աշխատակազմից նմուշառում կկատարվի:

Անի խոշորացված համայնքի ղեկավար Արտակ Գևորգյանն էլ մեզ հետ զրույցում հայտնեց, որ մահացած քաղաքացու շփման շրջանակը փոքր է եղել։ Նրա սիրած զբաղմունքը որսորդությունն է եղել, ու ավելի շատ ժամանակն անցկացրել է բնության գրկում:

«Նա սրտի խնդիր ուներ, շատ բարձր շաքար, թոքաբորբը հետո է զարգացել, այսինքն՝ բավական ուղեկցող հիվանդություններ ուներ: Քչախոս, չշփվող մարդ էր, որսորդ։ Ավելի շատ սիրում էր բնության գրկում լինել: Տղան երկար տարիներ է՝ Հայաստանում չէ, աղջիկներն էլ Երևանում են ամուսնացած, տանը ինքն ու կինն էին»,- տեղեկացրեց
Գևորգյանը:

Այժմ փորձում են ճշտել, թե որտեղից կարող էր նա վարակված լինել:

Համայնքում հիմա ախտահանման աշխատանքներ են իրականացվում։

  • Ախտահանման աշխատանքներ
    Ախտահանման աշխատանքներ
    © Photo : provided by Artak Gevorgyan
  • Ախտահանման աշխատանքներ
    Ախտահանման աշխատանքներ
    © Photo : provided by Artak Gevorgyan
  • Ախտահանման աշխատանքներ
    Ախտահանման աշխատանքներ
    © Photo : provided by Artak Gevorgyan
  • Ախտահանման աշխատանքներ
    Ախտահանման աշխատանքներ
    © Photo : provided by Artak Gevorgyan
1 / 4
© Photo : provided by Artak Gevorgyan
Ախտահանման աշխատանքներ

«Մահացածն ապրում էր 5–հարկանի շենքում, որն ամբողջովին ախտահանել ենք քլորաջրով, ժավելով։ Լվացել ենք ոչ միայն այդ բնակելի տան, այլ նաև մյուս բազմաբնակարանների մուտքերը, աստիճանները»,– ասաց համայնքի ղեկավարը։

Հիշեցնենք` Հայաստանում կորոնավիրուսով վարակվածների թիվը հասել է 833-ի։

թեմա:
Կորոնավիրուսը Հայաստանում և Արցախում (772)

Ըստ թեմայի

Կորոնավիրուսը աշխարհում․ ԱՀԿ-ն նոր տվյալներ է հրապարակել
Հայաստանում գործարկվել է կորոնավիրուսի հայտնաբերման բջջային հավելվածը
Արդուկով պայքար կորոնավիրուսի դեմ, կամ վրացական Փոթիում «կողոպտում» են մարդկանց
թեգերը:
Մարալիկ, Մահ, կորոնավիրուս, Հայաստան

Գլխավոր թեմաներ